Zazpi ikuskizun. Antzerkia eta txotxongiloak. Hori da, hain zuzen ere, hiruhileko honetan familientzako Arte Eszenikoen programak proposatzen duena, eta ikuskizun berriekin itzuliko da. Ikuskizun horiek dibertitu, hunkitu eta handi eta txikien irudimena leherraraziko dute. 4 eta 11 urte bitarteko haur barakaldarrei eta haien familiei zuzendutako programazioa urtarrilaren 20an, larunbata, hasiko da eta martxoaren 16an amaituko da, Clara Campoamor eta Gurutzetako zentro zibikoetan egingo diren emanaldiekin. Sarrerak 3,10 eurotan jarriko dira salgai helduentzat eta 2,05 eurotan haurrentzat, urtarrilaren 15etik aurrera, https://barakaldokultura.vivetix.com/ webgunean.
Ekimen honek kalitatezko familia-kultura proposatzen du: esperientzia bat eskaintzen du haurrak arte eszenikoen mundu liluragarrian has daitezen, antzerkiarekin formatu anitzetan ikusten, sentitzen eta hunkitzen ikasiz. Aldi berean, kontsumoari lotuago dagoen aisiaren osagarri diren kultura-ohiturak sortzen laguntzen die, eta denbora librearen esparruan euskara bizitzeko beste aukera bat da.
Programazioa urtarrilaren 20an, larunbata, hasi eta martxoaren 16an, larunbata, amaituko da, eta larunbatetan, 18:00etan, taularatuko da. Txandakako larunbatak Clara Campoamor Zentro Zibikoan eta Gurutzetako Zentro Zibikoan. «Espero dugu, oraingoan ere, proposamen honek hunkitu, dibertitu eta familiek arte eszenikoekiko duten interesa piztea, familian egiteko aisialdiko beste aukera bat baita», adierazi du Nerea Cantero Kultura zinegotziak.
Sarreren online salmenta urtarrilaren 15ean, astelehena, hasiko da 9: 00etan https://barakaldokultura.vivetix.com /
** Otsailaren 3ko ikuskizuna, Emakumearen eta Neskatoaren Zientziaren Egunaren ingurukoa, doakoa izango da. Gonbidapenak online plataforman bertan eskuratu ahal izango dira, emanaldiaren aurreko astelehenetik aurrera (urtarrilak 29).
PROGRAMA
Arabako Ikerketako Lurralde Zerbitzuak eta Errenteriako Ertzain-etxeak egindako ikerketaren ondorioz, eginbideak ireki dizkiete, ikertu gisa,…
Ertzaintzak hiru pertsona atxilotu ditu gaur, asteazkena, goizaldean, lesio-delitu bat leporatuta, Arrigorriagako etxebizitza batean arma…
La Policía Nacional ha detenido este lunes en la Comunidad de Madrid a siete aficionados…
Dos hombres de 47 y 20 años de edad han sido detenidos por la Ertzaintza…
El evento anual de la Barandilla de la Concha, organizado por la Asociación de Profesionales…
Las jornadas de huelga previstas para esta semana para el cuerpo docente no han sido…