Ingurune sanitarioko, soziosanitarioko, zientifikoko, teknologikoko, enpresako eta administrazioko erakundeetatik datozen 80 pertsonak baino gehiagok parte hartu dute Zahartze Osasuntsuari buruzko Zeharkako Trakzio Ekimenarekin lotutako topaketa-jardunaldi honetan, urtarrilaren 18an, osteguna, Gasteizko Europa Jauregian.
Jardunaldiaren helburu nagusia izan da eragileen arteko topaketa erraztea, proiektuak identifikatzeko eta trakzio proiektuak diseinatzeko laguntza-programaren hurrengo deialdira aurkezteko, Zientzia, Teknologia eta Berrikuntza Planaren esparruan – ZTBP Euskadi 2030 –
Cristina Uriartek, Eusko Jaurlaritzako Zientzia, Teknologia eta Berrikuntzarako komisionatuak, Zeharkako Trakzio Ekimenen kontzeptu orokorra eta esparrua aurkeztu du, eta azpimarratu du euskal gizartearen erronka handietako batzuei ikerketan eta berrikuntzan oinarrituta aurre egiten lagunduko duen tresna direla..
Komisionatuak azpimarratu duenez, ekimen horien helburua da ZTBP Euskadi 2030 planaren espezializazio adimenduneko arloen arteko zeharkako kolaborazioa indartzea, bai eta zahartze osasuntsuaren eremuan izaera kolaboratiboko I+G+b proiektu eragile berriak bultzatzea ere. Eraldatzeko gaitasuna duten herri-proiektuak dira, ezarritako erronkak eta helburuak lortzera bideratuak.
Jarraian, Eusko Jaurlaritzako Osasun Saileko Ikerketa eta Berrikuntza Sanitarioko zuzendari Marian Ibarrondok Zahartze Osasuntsuaren ekimenaren irismena aurkeztu du, zehatzago deskribatuz eta hurrengo urteetarako ezartzen diren erronkak eta helburuak azpimarratuz.
Jardunaldiaren lehen zatia amaitu da, eta laguntza-programaren hurrengo deialdiaren ezaugarri nagusiak deskribatu dira, bai eta 2023ko deialdian onartutako lau proiektuen aurrerapenak aurkeztu ere:
Jardunaldiaren bigarren zatian, dinamika parte-hartzaile bat antolatu da hainbat lan-mahaien inguruan. Dinamika horri esker, parte-hartzaileek elkar ezagutu dute, eta trakzio proiektu berrien ideiak identifikatzen hasi dira, beren erakundeetatik lagundu ahal izateko. Mahaietako ondorio nagusiak bertaratu diren pertsona guztien artean partekatu dira, ezagutza-trukea eta ongarritze gurutzatua errazteko.
Jardunaldia amaitzeko, Cristina Uriarte komisionatuak iragarri du laguntza-programaren 2024ko bigarren deialdia laster argitaratuko dela, eta ikerketa eta garapenerako zeharkako trakzio proiektuen diseinua urteko bigarren seihilekoan hasi ahal izango dela.
24_0501 Oyón-Oion-en atxilotua ibilgailu bat nahita erretzeagatik Oyón-Oion-en atxilotua ibilgailu bat nahita erretzeagatik Servicio de…
24_0502 Ingresa en prisión el hombre detenido ayer en Vitoria-Gasteiz por intento de homicidio a…
Ertzaintzak 20 eta 25 urte bitarteko bost gizon atxilotu ditu azken orduetan, lesio-delitu bat egotzita,…
Foruen Pasealekua berritzen hasi da. Udalak gaur goizean iragarri du Barakaldoko kale nagusia oinezkoentzako kale…
Azken orduetan Donostian izan den sexu erasoaren aurrean Udalak honako hau adierazten du: 1.- Udalak…
Basque Trade & Investment-ek (BasqueTrade), SPRI Taldean sartuta dagoen euskal enpresak nazioartekotzeko agentziak, automobilgintzaren industriako…