Ertzaintzako agenteek 24 eta 22 urteko bi gizon atxilotu dituzte igande goizaldean Bizkaiko hiriburuan, indarkeriaz egindako lapurreta eta lesio-delitu bat egotzita, oinezko bati telefono mugikorra lapurtzeko eraso egiteagatik. Lapurretaren biktima osasun-zentro batera eraman dute, sudurreko hezurrak hautsita.
Gertakariak gaur, igandea, goizaldeko 03:45ak aldera jazo dira, Bizkaiko hiriburuan. Ordu horretan, Ertzaintzaren baliabide bat herritarrak babesteko lanak egiten ari zen Evaristo Txurruka kaia kalean. Bi gizon ikusi ditu, eta, ertzainak ikusi dituenean, korrika alde egiten saiatu dira. Agenteek bi pertsona horiek geldiarazi dituzte eta bi gizonak identifikatzen hasi dira.
Identifikazioetan, agenteek Ertzaintzaren aginte- eta kontrol-zentroaren jakinarazpen bat jaso dute. Jakinarazpen horretan, Abando auzo inguruan bi gizonek gizon bati eraso egin diotela jakinarazi diete. Jarraian, beste ertzain bat gertakizun lekura hurbildu da. Bertan, biktima osasun-baliabide batek artatzen zuen, eta erasoaren ustezko egileen deskribapen zehatza jaso du. Erasotuak ertzainei azaldu dienez, bi gizonak hurbildu egin zaizkio oinez zihoala eta ukabilkada bat eman ostean, telefono mugikorra lapurtu eta ihes egin dute. Erasoaren ondorioz, biktima osasun-zentro batera eraman behar izan dute, sudurreko hezurrak hautsita.
Identifikatutako bi gizonak lapurretaren egileekin bat zetozela zalantzarik gabe egiaztatu ondoren, Ertzaintzak atxilotu egin ditu. Delitu-aurrekariak dituzten 24 eta 22 urteko bi gizonei indarkeriazko lapurreta eta lesio-delituak egotzi dizkiete, eta ertzain-etxera eraman dituzte, beharrezko eginbideei ekiteko. Behin amaituta, Bilboko Guardiako Epaitegiaren esku jarriko dituzte.
Barakaldok «merkatu aldakor eta oso lehiakor bati aurre egiteko moduagatik» nabarmentzen diren merkataritza-enpresak eta hiri-negozioak…
Donostiako Udalak parte-hartze prozesu bat egingo du Zaragoza plazaren berrurbanizazioa diseinatzeko Datorren urterako aurreikusita dagoen…
Euskal Herriko Agintaritzaren Aldizkariak Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuaren…
Ostegun Santua eta Ostiral Santua zertxobait eguzkitsuagoak izango dira goizean barnealdean Euskalmet −Euskal Meteorologia Agentziak iragarri…
Eibarren kapitaina ere denak taldeak egiten ari duen denboraldi borobila azpimarratu du eta ostiralean Realari…
Bilboko Udalak antolatutako FANT Fantasiazko Zinemaren Jaialdiak bere 31. edizioa ospatuko du maiatzaren 2tik 10era. Gaur goizean aurkeztu…