Donostiako alkate Eneko Goiak 2024ko Urrezko Danborra eman dio Isabel Verdiniri, Udaletxeko Udalbatza Aretoan, San Sebastian eguneko ekitaldi ofizialetako batean.
Isabel Verdini (Donostia, 1971) dantza-irakaslea da, eta 30 urte daramatza dantza-prestakuntzan, batez ere desgaitasunen bat duten pertsonekin lan egiten. Urte hauetan zehar, donostiarrak bere irakaskuntza-metodo propioa sortu du, Método Verdini izenekoa, eta Verdini Dantza Taldea sortu du, eszenatokietan zehar aniztasuna ikusarazteko.
Urrezko Danborra aukeratu dute, hain zuzen ere, desgaitasuna duten pertsonen inklusioa lortzeko lana eta inplikazioagatik, eta irakaskuntzaren eta dantza bultzatzearen alde egindako lanagatik.
Donostiako alkate Eneko Goiak adierazi duenez, «atzera begiratzen badugu, eta Urrezko Danborren zerrenda begiratzen badugu, jabetuko gara zein balioekin lotu dugun gure Donostia azkeneko hamarkadatan. Gizarte koesioa, inklusioa, aitzindaritza, artea, kultura, kirola, gizarte konpromisoa, enpresa mundua, komunikazioa… Gaur hemen sarituko dugun pertsonak, baina, horietako balio bat baino gehiago ordezkatzen du«.
«Lehenik eta behin, kultura dago. Isabelek arte eszenikoa aukeratu du, dantza, adierazteko bitarteko gisa, baina baita jende askori aukera bat emateko formula gisa ere. Bigarrenik, konpromiso soziala. Integrazioa, inklusioa, kohesioa edo aukera-berdintasuna bezalako hitzak motz geratzen dira Isabelek eta bere akademiak egunez egun egiten dutena azaltzeko orduan «, adierazi du alkateak.
«Duela 160 urte hiriko harresiak eraitsi ziren. Uste dut zuk, Isabel, Donostia inguratzen zutenak baino are garaiagoak, trinkoagoak eta sendoagoak diren beste harresi batzuk eraistea lortu duzula zure lanarekin, denok ditugun eta pertsona gisa mugatzen gaituzten horma mentalak, esaterako. Horregatik, Udalaren izenean, hiri osoaren izenean, eskerrak eman nahi dizkizut”, gaineratu du.
Isabel Verdini aitzindaria izan da mundu guztiak lekua duen espazioak sortzen. Verdini Dantza Taldea Dantza Garaikideko Konpainia bat da, Verdini proiektuaren barruan sortua, bere sortzaileak bere iloba Haizea, Down Sindromea duen neskato batenganako sentitzen duen maitasun sakonaren emaitza.
Bere lanbidetik ilobaren bizitzari bere aletxoa jarri nahi izatea eta dantza afektutik eta sentsibilitatetik komunikatzeko eta elkarri eragiteko aukera ematen duen hizkuntza artistiko gisa ikustea dira proiektu honen abiapuntua.
Hauxe da Verdini Dantza Taldearen xedea:
24_0501 Oyón-Oion-en atxilotua ibilgailu bat nahita erretzeagatik Oyón-Oion-en atxilotua ibilgailu bat nahita erretzeagatik Servicio de…
24_0502 Ingresa en prisión el hombre detenido ayer en Vitoria-Gasteiz por intento de homicidio a…
Ertzaintzak 20 eta 25 urte bitarteko bost gizon atxilotu ditu azken orduetan, lesio-delitu bat egotzita,…
Foruen Pasealekua berritzen hasi da. Udalak gaur goizean iragarri du Barakaldoko kale nagusia oinezkoentzako kale…
Azken orduetan Donostian izan den sexu erasoaren aurrean Udalak honako hau adierazten du: 1.- Udalak…
Basque Trade & Investment-ek (BasqueTrade), SPRI Taldean sartuta dagoen euskal enpresak nazioartekotzeko agentziak, automobilgintzaren industriako…