Nerea Melgosa Eusko Jaurlaritzako Berdintasun, Justizia eta Gizarte Politiketako sailburua Jundizko industrialdean dagoen Arabako Elikagaien Bankua bisitatu du gaur arratsaldean, Euskadiko eta Estatuko erakundeetako eta Elikagaien Bankuen Federazioko ordezkariekin batera.
Gaur egun, Arabako Elikagaien Bankuak ia 1.400 familiari eta beste 360 pertsonari ematen die arreta kontsumo-erakundeen, jantokien eta laguntza-kolektiboen bidez. Ematen diren loteek, oraindik ere, ez dituzte estaltzen onuradunen premiak. Elikagaien Bankuak emandako azken datuen arabera, 2022an 1.925.850 kilo banatu ziren eta 2023rako 1.850.000 kilora iristea zenbatesten zen.
Elikagaien Bankuak soberakinen eta behar-beharrezkoak diren beste artikulu batzuen biltegiratzea eta doako banaketa kudeatzen du —laguntza-zentroei eta premia dutenei banatzen dizkie—.Horretarako, soberakinak biltzen ditu eta horiek hondatzea edo oker erabiltzea saihesten du, soberakin horiek hautatu eta birziklatzen baititu, banatzera begira.
Aurreko edizioetan bezalaxe, Nerea Melgosa sailburuak ere boluntario gisa parte hartu zuen azken kanpainan, Zabalgana auzoan hain zuzen. Bertan, Euskadi osoko boluntarioek egiten duten ahalegina eskertu zuen.
Elikagaien Bankua erreferentea da Arabako elikagaien aprobetxamenduan. Enpresen, antolakundeen eta erakundeen artean kokatzen da, horiek arlo sozialera bidera ditzaten gizarte-erantzukizuneko ekintzak, eta lagun dezaten premiarik handiena duten pertsonen elikaduran eta laguntzan.
Arabako Elikagaien Bankua, independentea eta autonomoa da bere kudeaketan. Euskadiko Elikagaien Bankuko Federazioan sartuta dago, baita, Estatuko esparruan, Elikagaien Bankuen Federazioan (FESBAL) ere. Era berean, Ingurumen, Landa eta Itsas Ingurunearen Ministerioarekin (FEGA) koordinatuta dago, Europar Batasunaren esku-hartzearen izakinetatik datozen elikagaiak premiarik handiena duten pertsonen artean bana daitezen.
Era berean, lurralde historikoekin elkarreraginean aritzen da erantzunkidetasunez, eta elikagaiak trukatzen ditu Burgos, Nafarroa, Errioxa eta Kantabriako banku mugakideekin.
2023: aurreikusten zenaren azpitik
Arabako Elikagaien Bankuaren alde 2023an egin zen “Elkartasun-bilketa handian” ez zen lortu 2022koaren antzeko emaitzarik. Azken kanpaina honetan 2022koan baino elikagai fisiko gutxiago jaso da, % 10 gutxiago, baita elikagaietarako bonu gutxiago ere, % 15 gutxiago. Aitzitik, zuzeneko dohaintzen bidez diru gehiago bildu da, %10 gehiago.
24_0501 Oyón-Oion-en atxilotua ibilgailu bat nahita erretzeagatik Oyón-Oion-en atxilotua ibilgailu bat nahita erretzeagatik Servicio de…
24_0502 Ingresa en prisión el hombre detenido ayer en Vitoria-Gasteiz por intento de homicidio a…
Ertzaintzak 20 eta 25 urte bitarteko bost gizon atxilotu ditu azken orduetan, lesio-delitu bat egotzita,…
Foruen Pasealekua berritzen hasi da. Udalak gaur goizean iragarri du Barakaldoko kale nagusia oinezkoentzako kale…
Azken orduetan Donostian izan den sexu erasoaren aurrean Udalak honako hau adierazten du: 1.- Udalak…
Basque Trade & Investment-ek (BasqueTrade), SPRI Taldean sartuta dagoen euskal enpresak nazioartekotzeko agentziak, automobilgintzaren industriako…