Pasaian atxilotu dute labana batekin estanko batean lapurreta egiten saiatzeagatik

Ertzainek 31 urteko gizon bat atxilotu dute, Pasaiako estanko batean arma zuri batekin beldurtuz lapurreta egiten saiatzea leporatuta. Pertsona batzuek esku hartu izanari esker ihes egin zuen lapurrak lokaletik lapurreta egin gabe, eta inguruan atxilotzea lortu zuten.

Atzo, astelehena, arratsaldeko sei eta erdiak aldera, Ertzaintzari jakitera eman zioten dirudienez lapurretan ari zirela Pasaiako estanko batean. Adierazitako lekura hurbildu zen herritarren babeseko patruila bateko agenteek ikusi zuten pertsona batzuek helduta zuten gizon batek arma zuri bat bota zuela lurrera. Egoera kontrolatu zutenean eta zortzi zentimetroko orria zuen labana bat zela egiaztatu ondoren, bertan zeuden pertsonek agenteei jakinarazi zieten aipatutako establezimenduan lapurreta egiten saiatu berri zela.

Agenteek estankoko langilearekin berretsi zuten inplikatua lokalean bera bakarrik zegoenean sartu zela, eta labana batekin beldurtu zuela dirua emateko eskatuz. Une horretan, haren asmoez jabetu ziren pertsona batzuk atera hurbildu ziren atentzioa emateko, eta, horren ondorioz, lokaletik irten zen eta pertsona horiek inguruan atxiki zuten.

Horren aurrean, polizia-dotazioak arma zuri batekin beldurra eraginez lapurreta egiten saiatzea leporatuta atxilotu zuten.  Gaur, asteartea, dagozkion polizia-eginbideak amaitu ondoren, Epaitegira eramango dute.