Categorías: albisteak-berriak

Langabetuen kontratazio mugagabeagatik enpresei laguntzak eskatzeko epea zabalik

Epea zabalik dago 2022ko abuztuaren 16tik 2023ko maiatzaren 31ra bitartean (egun biak barne) udalerriko langabeen kontratazio mugagabeagatik enpresek eta erakundeek dirulaguntzak eskatu ahal izateko. Eskaera Inguralderen bidez egin beharko da, otsailaren 29ko 14:00ak baino lehen.

«Enpleguaren egonkortasuna gure ekintza-estrategiaren funtsezko zati bat da, eta programa honek udalerriko langabeen kontratazioa errazteaz gain, bizi-proiektu bat ezartzeko moduko enpresa batean egonkor irauteko bermea eskaintzeko aukera ematen digu», ziurtatu du Inguraldeko presidente David Sollak.

Laguntzak Barakaldoko enpresa eta erakundeentzat dira bereziki, baldin eta udalerrian langabeak eta erroldatutakoak kontratatu badituzte eta kontratua egiteko unean Lanbiden enplegu-eskatzaile gisa izena emanda eta alta emanda bazeuden. Gainera, kontratazioek mugagabeak izan behar dute – edo lanaldi partzialekoak, baina lanaldiaren % 50ekoak gutxienez –, eta 2022ko abuztuaren 16tik (aurreko deialdia amaitzearekin batera) 2023ko maiatzaren 31ra bitartean egindakoak.

Era berean, kontratazioek enplegu-sorrera garbia ekarri beharko dute enpresan lanean hasi aurreko 6 hilabeteetan dagoen batez besteko plantilla osoarekiko.

Laguntza kostuen % 75 izango da, gehienez 8.000 €urtean lanaldi osoko lan-kontratu bakoitzeko. Lanaldi partzialeko kontratuen kasuan, dirulaguntza lan egindako lanaldiarekiko proportzionala izango da. Diru-sarrerak bermatzeko errentaren hartzaileak, titularrak edo onuradunak, 35 urtetik beherakoak, iraupen luzeko langabeak edo 55 urtetik gorakoak kontratatuz gero, kostuen % 100ekoa izango da zenbatekoa, urtean gehienez 10.000 eurokoa. Zenbateko horiek % 10 igoko dira kontratatutako pertsona emakumea badar.

ARTISTAK ETA IKUSKIZUNETAKO TEKNIKARI LAGUNTZAILEAK

Berritasun gisa, aurtengo deialdiak laguntza zehatzak aurreikusten ditu artisten eta ikuskizun publikoetako teknikarien eta laguntzaileen kontratuetarako, lanaldi osokoak, 3.000 eurokoak, hiru hilabete iraun gabe, eta 6.000 eurokoak, sei hilabete edo gehiago izan badira. Lanaldi partzialeko edo hiru eta sei hilabete arteko kontratuak eginez gero, dirulaguntza lanaldiaren eta/edo lan egindako denboraren proportzionala izango da.

Iaz 25 laguntza eman genituen, 230.134,83 eurokoak, eta horrek agerian uzten du programa honen dimentsioa», ziurtatu du David Sollak. Laguntza horien lehen deialditik, 2013an, Barakaldok 384 laguntza eman ditu, 2.374.134,46 eurokoak.

Interesa duten enpresek udalaren webgunearen egoitza elektronikoaren bidez eskatu behar dituzte laguntzak. Era berean, informazio gehiago edo zalantzak argitu ditzakezue Inguraldeko Enplegu Sailean, 944 789 355 telefonoan edo empleo@inguralde.eus helbide elektronikoan. Arreta-ordutegia 09:00etatik 14:00etara da.

albisteak

Compartir
Publicado por
albisteak

Entradas recientes

Oyón-Oion-en atxilotua ibilgailu bat nahita erretzeagatik

24_0501 Oyón-Oion-en atxilotua ibilgailu bat nahita erretzeagatik Oyón-Oion-en atxilotua ibilgailu bat nahita erretzeagatik Servicio de…

9 horas hace

Ingresa en prisión el hombre detenido ayer en Gasteiz por intento de homicidio a su pareja

24_0502 Ingresa en prisión el hombre detenido ayer en Vitoria-Gasteiz por intento de homicidio a…

9 horas hace

Andoain: bost pertsona atxilotu dituzte talde-eraso batengatik

Ertzaintzak 20 eta 25 urte bitarteko bost gizon atxilotu ditu azken orduetan, lesio-delitu bat egotzita,…

9 horas hace

Barakaldoko Foruen pasealekua oinezkoentzat jartzeko lanak hasi dira

Foruen Pasealekua berritzen hasi da. Udalak gaur goizean iragarri du Barakaldoko kale nagusia oinezkoentzako kale…

2 días hace

Donostiako Udalaren adierazpen instituzionala

Azken orduetan Donostian izan den sexu erasoaren aurrean Udalak honako hau adierazten du: 1.- Udalak…

2 días hace

Automobilgintzako berrikuntza teknologikoak euskal enpresetara hurbiltzen ditu Basque Trade-k

Basque Trade & Investment-ek (BasqueTrade), SPRI Taldean sartuta dagoen euskal enpresak nazioartekotzeko agentziak, automobilgintzaren industriako…

2 días hace