24_0056 Abadiño, Euskadiko Larrialdietako Zerbitzuek Labargorri mendian harrapatuta geratu den mendizale bat erreskatatu dute
Servicio de prensa
2024-01-30
Ertzaintzaren Zaintza eta Erreskate Unitateko Mendiko Ataleko agenteek Labargorri mendiaren hego-mendebaldeko aurpegian zegoen eta, haize zakarren ondorioz, bere kabuz jaitsi ezin zen 24 urteko gizon bat erreskatatu dute gaur goizean.
Gaur goizeko 10ak aldera, mendizale batek larrialdietako 112 telefono-zenbakiaren bidez jakinarazi du Abadiñon, Labargorri mendiaren hego-mendebaldeko aurpegiaren goiko partean, ez atzera ez aurrera gelditu dela. Mendizaleak adierazi duenez, ondo zegoen, baina ezin zen bere kabuz jaitsi baldintza klimatiko txarren ondorioz, haize zakarra baitzebilen.
Informazio horretan oinarrituta, Eusko Jaurlaritzako Larrialdiei Aurre Egiteko Zuzendaritzako teknikari batek Ertzaintzaren helikoptero bat eta Zaintza eta Erreskate Unitateko Mendiko Ataleko agenteak bidali ditu lekura. Bizkaiko suhiltzaileak ere mobilizatu dituzte. Haize zakarra zebilenez, azkenean airez erreskatatzea baztertu dute.
Erreskate taldeko kideak mendizalea zegoen lekura iritsi direnean, leku seguru batera jaitsi dute, eta bertatik mendizaleak bere kabuz jarraitu du bidea.
• Zaintza apirilaren 21etik 27ra bitartean indartuko da, Aste Santuarekin bat etorriz • 2024an erregistratutako…
25_0273 Ertzaintza gizon baten heriotza ikertzen ari da Irunen Ertzaintza gizon baten heriotza ikertzen ari…
Ertzaintzak 21 eta 22 urteko bi gizon atxilotu ditu, indarkeriaz eta larderiaz egindako lapurreta eta…
25_0271 Atxilotu bat eta lau ikertu Donostian borroka batean parte hartzeagatik Atxilotu bat eta lau…
2025_Bi mendizale erreskatatu dituzte Palomareseko gailurrean. Bi mendizale erreskatatu dituzte Palomareseko gailurrean. Prentsa Zerbitzua 2025-04-18…
25_0269 Mendizale baten gorpua aurkitu dute Laudion Mendizale baten gorpua aurkitu dute Laudion Prentsa Zerbitzua…