Ertzaintzak bi gizon atxilotu ditu joan den azaroaren 15ean, enpresa emakidadunak Bilboko Zorrotza auzoan duen basean, 46 anbulantziatan kalteak egitea leporatuta. Gainera, beste hiru gizon ikertu dituzte ordutik egindako ikerketa-lanaren ondoren.
Ertzaintzak 36 eta 49 urteko bi gizon atxilotu ditu gaur, osteguna, Grup La Pau enpresak, Euskadiko garraio sanitarioaren emakidadunak, Bilbon, Zorrotza auzoan, duen base nagusian aparkatuta zeuden 46 anbulantziatan kalteak egitea leporatuta.
Egileek dozenaka gurpil zulatu zituzten eta anbulantziak hainbat ordutan ezin izan ziren erabili. Kalteak 11.000 euroan baloratu zituzten.
Gertaera ikertzen Ertzaintza aritu da, Bizkaiko Ikerketa Kriminaleko Lurralde Zerbitzuaren bidez, eta, ikerketaren ondorioz, gaur goizean atxilotu ditu bi gizonak kalte-delitua leporatuta. Delitua larriagotu egiten du erabilera publikoko ondasunei eta interes orokorrari eragin izanak. Gainera, Bizkaiko Ikerketa Kriminaleko Lurralde Zerbitzuko agenteek egindako ikerketan oinarrituta, beste hiru gizon identifikatu eta ikertu dira.
Atxiloketa Bilboko Ertzain-etxean egin dute, eta bi gizonak bertan egongo dira datozen orduotan, polizia-eginbideak amaitzean, Bilboko Guardiako Epaitegiaren eskuetan jarri bitartean.
Lan-gatazka hasi zenetik, 200 anbulantzia baino gehiago sabotatu dituzte eta 300.000 eurotik gorako kalteak egin dituzte, eta Ertzaintzak ikertzen jarraitzen du, beraz. Ez da baztertzen atxiloketa gehiago egitea.
24_0501 Oyón-Oion-en atxilotua ibilgailu bat nahita erretzeagatik Oyón-Oion-en atxilotua ibilgailu bat nahita erretzeagatik Servicio de…
24_0502 Ingresa en prisión el hombre detenido ayer en Vitoria-Gasteiz por intento de homicidio a…
Ertzaintzak 20 eta 25 urte bitarteko bost gizon atxilotu ditu azken orduetan, lesio-delitu bat egotzita,…
Foruen Pasealekua berritzen hasi da. Udalak gaur goizean iragarri du Barakaldoko kale nagusia oinezkoentzako kale…
Azken orduetan Donostian izan den sexu erasoaren aurrean Udalak honako hau adierazten du: 1.- Udalak…
Basque Trade & Investment-ek (BasqueTrade), SPRI Taldean sartuta dagoen euskal enpresak nazioartekotzeko agentziak, automobilgintzaren industriako…