Ertzainek 43 urteko gizon bat atxilotu dute goizaldean Galdakaon, aparkatuta zeuden lau ibilgailutan indarra erabiliz lapurreta egitea leporatuta. Gizonak ibilgailuen alboko eta atzeko beirak hautsi ditu barrutik objektuak lapurtzeko.
Ibaizabalgo herritarren babeseko patruila batek ibilgailuetan lapurretan ari zen susmagarri bat aurkitu du gaur goizaldeko 01:30ean. Gizona Galdakaoko Unkinako plazan zegoen eta hainbat poltsa eta motxila zituen, eta ertzainek identifikatu eta zegozkion frogaketak egin dituzte.
Agenteek inguruan aparkatuta zeuden eta kalteak zituzten, alboko eta atzeko beirak hautsita zituzten, lau ibilgailu, bi furgoneta eta bi auto, aurkitu dituzte. Gainera, ibilgailuetako batzuen barruan elementu batzuk, besteak beste, nabigatzailearen pantaila edo irrati-panela, behartu eta lapurtu dituztela ere ikusi dute.
Ertzainek egiaztatu dute identifikatutako pertsonak ustez kaltetutako ibilgailuetatik lapurtutakoak ziren objektu ugari zituela, besteak beste, txirrindularitzako arropa zuen kirol-poltsa bat, pantaila eramangarriak, eguzkitako betaurrekoak, LED lanparak eta larrialdietako argiak.
Ebidentzia horien aurrean, patruilak atxilotu egin du gizona, indarra erabiliz lapurreta egitea leporatuta. Ertzain-etxeko eginbideak amaitu ondoren, Bilboko Guardiako Epaitegiaren eskuetan jarri dute.
24_0501 Oyón-Oion-en atxilotua ibilgailu bat nahita erretzeagatik Oyón-Oion-en atxilotua ibilgailu bat nahita erretzeagatik Servicio de…
24_0502 Ingresa en prisión el hombre detenido ayer en Vitoria-Gasteiz por intento de homicidio a…
Ertzaintzak 20 eta 25 urte bitarteko bost gizon atxilotu ditu azken orduetan, lesio-delitu bat egotzita,…
Foruen Pasealekua berritzen hasi da. Udalak gaur goizean iragarri du Barakaldoko kale nagusia oinezkoentzako kale…
Azken orduetan Donostian izan den sexu erasoaren aurrean Udalak honako hau adierazten du: 1.- Udalak…
Basque Trade & Investment-ek (BasqueTrade), SPRI Taldean sartuta dagoen euskal enpresak nazioartekotzeko agentziak, automobilgintzaren industriako…