Kernova ingeniaritza-enpresa, egoitza Arabako Parke Teknologikoan duena, nazioarteko ikuspegia duen konpainia gisa finkatu da, eta 15 urte baino gehiagoko esperientzia du industria-proiektuen garapenean. Ezagutza horrek sektore honetan berritzeko balio izan dio, eragingailu hidraulikoen ordez soluzio elektromekaniko askoz trinkoagoa, eraginkorragoa eta iraunkorragoa emateko teknologia propioa eskainiz.
“Ingeniaritza adimenduna eskaintzen dugu, makinak eraginkorragoak egiteko eta ingurumena errespetatzeko”, azaldu dute arduradunek.
Birziklatze ndustria, nekazaritza industria, automobilgintza, mugikortasun elektrikoa edo berriztagarriak dira enpresa gazteak helburu dituen sektoreak. Energia aurrezteaz gain, beste abantaila batzuk ere eskaintzen ditu bere teknologiak: Hala nola, zarata 80 dezibeliotik behera murriztea, eta olioa erabiltzeak sortzen duen kutsadura ere gutxitzea. “Bezeroen beharrak asetzeko irtenbide pertsonalizatuak eskaintzen ditugu gure software informatikoaren eskuti”k, nabarmendu dute Kernovatik.
Bere azken apustuetako bat ‘Smart E-Motion Kitanica’ da, hidraulikoki eragiten duen makineria sistema erabat elektromekaniko bihurtzea ahalbidetzen duena. Energetikoki eraginkorragoa izateaz gain, zarata-mailak murrizten ditu eta hondakinen ekoizpena ezabatzen du, irtenbide ekologiko eta iraunkorragoetarako egungo joerekin bat eginez.
Diziplina anitzeko talde aditu batekin, Kernovak hainbat zerbitzu eskaintzen ditu bere soluzio elektromekanikoaz gain. Adibidez, ingeniaritzako aholkularitza-zerbitzuak, proiektuen zuzendaritza, giltza eskura proiektuak, proiektuak baliozkotzeko elementu finituen araberako prototipoak eta kalkuluak, besteak beste. “Gure zerbitzuek ingeniaritza mekanikoan esperientzia aurreratua eskaintzen dute irtenbide pertsonalizatuak sortzeko”, azpimarratu dute startup-eko arduradunek.
info+: kernova.es
Ekide Ekide enpresa industriala da, 1990ean sortua eta Arrasaten kokatua. Gaur egun, fabrikaziorako hiru lantegi…
Arabako Emakume Profesional eta Enpresarien Elkarteak (AMPEA) emandako azken aitortzetako bat Elena Guede euskal exekutiboak…
Atzo egindako bilerarekin, erakundeen arteko talde eragileak hasiera eman zitzaion Busturialdea-Urdaibairi buruzko hausnarketa integral eta…
Ertzainek gizon bat atxilotu zuten atzo, asteazkena, joan den irailean Eako etxe batean lapurreta egitea…
P4Q enpresa bizkaitarra Alonsotegin sortu zen orain dela 25 urte, eta fabrikazio elektronikoa eta eguzki-energiarako…
1992an sortu zenetik, Walter Pack enpresa bizkaitarra erreferente globala izan da pieza dekoratibo eta funtzionalen…