Ertzaintzako agenteek 49 eta 52 urteko bi gizon atxilotu dituzte Zornotzan, drogarekin trafikatzea leporatuta. Polizia-baliabideek hainbat substantzia, horien artean, kokaina eta haxixa, aurkitu dituzte ostalaritza-establezimendu batean. Txakur Unitateak ere parte hartu du miaketetan.
Droga-trafikoaren aurkako Ertzaintzaren prebentzio-lanaren barruan, atzo, osteguna, operatibo bat jarri zuten abian Zornotzan, bertako ostalaritza-establezimendu batean substantzia sorgorgarriak saltzen ari zirela egiaztatu ondoren.
Ertzainek tabernako barraren barruan zeuden bi gizon identifikatu zituzten, eta delituarekin lotutako hainbat ebidentzia hartu zizkieten, horien artean doitasun-balantzak; prentsatutako substantzia bat, ustez kokaina, 20 gramo inguru; 73 gramo haxix; pilula batzuk; bi mila eurotik gora billetetan banatuta; eta egindako operazioen oharrak zituzten libretak.
Ertzaintzaren Txakur Unitateak ere parte hartu zuen miaketetan, droga detektatzen trebatutako bi txakurrekin, eta sukaldean substantzien arrastoak aurkitu zituzten, bai eta substantzia begetal bat, ustez marihuana, zuen ontzi bat ere inplikatuetako baten ibilgailuaren eserlekuaren azpian.
Ebidentzia horien aurrean, patruilek atxilotu egin zituzten identifikatutako bi gizonak, droga-trafikoa leporatuta. Durangoko Ertzain-etxean eginbideak amaitutakoan, bi atxilotuak gaur, ostirala, jarri dituzte epailearen eskuetan.
Bilboko ehun urtetik gorako saltokiei eskainitako erakusketa hiriko hainbat lekutan ipiniko da. Apirilaren 10etik Uribitarte…
Bilboko Udaleko Osasun eta Kontsumo Sailak ongizate emozionalari buruzko 16 saio teoriko-praktiko emango ditu apirilaren 29tik ekainaren 30era…
Bilboko Udalak Carmelo Bernaola tunela (Ibarrekolandako tunela) birmoldatzeko eta indarreko araudira egokitzeko lanak hasi ditu aste…
Bizkaiko Foru Aldundiak mihi urdinaren 3 serotipoaren aurkako borondatezko txertaketa-kanpaina abiarazi du, birusa heldu aurretik…
Lurralde Kohesiorako Departamentuak, Garraioen eta Mugikortasun Jasangarriaren Zuzendaritza Nagusiaren bitartez, tokiko erakundeentzako 2.575.473 euroko laguntzen…
Unibertsitateko, Berrikuntzako eta Eraldaketa Digitaleko Departamentuak, Zientzia, Teknologia eta Berrikuntza Zuzendaritza Nagusiaren bitartez, ‘Evoluciona’ deituriko…