Tokiko Gobernu Batzarrak onartutako beste gai batzuk: URArekin hitzarmena, Pasealeku Berriko feriala
Donostiako Udalak, gizartearen kohesiorako eta herritarren partaidetzarako duten garrantziaz jabeturik, hiriko elkarteak eta haien jarduerak bultzatzen ditu eta, hala, bere udal atalen aurrekontuen bidez, dirulaguntzak jasotzeko aukera eskaintzen die hiriko talde, fundazio eta irabazi asmorik gabeko entitate pribatuei, hainbat arlotan egiten dituzten ekintzak gauzatzen laguntzeko asmoz. Izan ere, talde horien ekimenek donostiarren bizi kalitatea hobetzen laguntzen dute eta, batzuetan, herri erakundeek proposaturiko ekimenen osagarri izaten dira.
Dirulaguntza horien bidez, Gobernu Programaren konpromisoei heldu eta herritar demokratikoen balioak bultzatzen dituzten proiektuak sustatu nahi dira. Izan ere, hiriek leku egokia eskaini behar diete pertsonei aurrera egiteko, ingurunea aintzat hartu eta errespetatzeko, beren jakinduria eta kultura handitzeko eta errespetuan eta tolerantzian oinarritutako mundu baketsu baten konpromisoa hartzeko.
Tokiko Gobernu Batzarrak Uraren Euskal Agentziaren eta Donostiako Udalaren arteko lankidetza-hitzarmena onartu du, Loiolako kuartelen inguruan Urumea ibaian uholdeen aurka babesteko eta ingurumena egokitzeko proiektua idazteko. Proiektua idazteko aurrekontua 300.000 €-koa izango da, URAk ordainduko duena, eta egikaritzeko epea 10 hilabetekoa.
Tokiko Gobernu Batzarrak Urbycolan, SL enpresari Pasealeku Berriko ferialaren elektrifikazio proiektuko obren kontratuaren 1. sorta (obra zibila: zangak, eroanbideak, egitura, zoladura, etab.) esleitzea onartu du. Gauzatzeko epea bi hilabetekoa da eta aurrekontua 259.769 eurokoa.
24_0501 Oyón-Oion-en atxilotua ibilgailu bat nahita erretzeagatik Oyón-Oion-en atxilotua ibilgailu bat nahita erretzeagatik Servicio de…
24_0502 Ingresa en prisión el hombre detenido ayer en Vitoria-Gasteiz por intento de homicidio a…
Ertzaintzak 20 eta 25 urte bitarteko bost gizon atxilotu ditu azken orduetan, lesio-delitu bat egotzita,…
Foruen Pasealekua berritzen hasi da. Udalak gaur goizean iragarri du Barakaldoko kale nagusia oinezkoentzako kale…
Azken orduetan Donostian izan den sexu erasoaren aurrean Udalak honako hau adierazten du: 1.- Udalak…
Basque Trade & Investment-ek (BasqueTrade), SPRI Taldean sartuta dagoen euskal enpresak nazioartekotzeko agentziak, automobilgintzaren industriako…