Ertzaintzak 21 eta 40 urteko bi gizon atxilotu ditu joan den azaroaren 8an, Reale Arena futbol-zelaiaren inguruan, Realaren eta Benficaren arteko partidaren aurreko uneetan, desordena publikoak, liskar nahaspilatsua eta lesioak eragitea leporatuta. Beste hamahiru pertsona agintari judizialaren aurrera eramango dituzte ikertu gisa, gertaera horiekin zerikusia izateagatik.
2023ko azaroaren 8an ordena publikoko istiluak gertatu ziren Realeko eta Benficako jarraitzaileen artean Amara auzoko Armeria plazan, futbol-zelaitik gertu, bi taldeek jokatu behar zuten Champions Leagueko partidaren atarian.
Istilu haien ondorioz, partidaren segurtasun-dispositiboan parte hartzen ari ziren Ertzaintzako baliabideek esku hartu behar izan zuten, eta lau pertsona atxilotu zituzten.
Ikerketekin jarraitu ondoren, atzo, asteazkena, bi pertsona atxilotu zituzten Lezon eta Usurbilen, istilu horietan inplikatuta egoteagatik. Atxilotuak 21 eta 40 urteko bi gizon dira, eta desordena publikoen, liskar nahaspilatsuaren eta lesioen delituak leporatu dizkiete.
Atxilotuak Donostiako Ertzain-etxera eraman zituzten zegozkion izapideak egitera, eta, horiek amaitzean, agintari judizialaren aurrera emango dituzte.
Bi pertsona horiek atxilotzeaz gainera, agenteek beste hamahiru pertsonari jakinarazi diete gertaeretan inplikatuta daudela, eta ikerketapean geratu dira.
Ekide Ekide enpresa industriala da, 1990ean sortua eta Arrasaten kokatua. Gaur egun, fabrikaziorako hiru lantegi…
Arabako Emakume Profesional eta Enpresarien Elkarteak (AMPEA) emandako azken aitortzetako bat Elena Guede euskal exekutiboak…
Atzo egindako bilerarekin, erakundeen arteko talde eragileak hasiera eman zitzaion Busturialdea-Urdaibairi buruzko hausnarketa integral eta…
Ertzainek gizon bat atxilotu zuten atzo, asteazkena, joan den irailean Eako etxe batean lapurreta egitea…
P4Q enpresa bizkaitarra Alonsotegin sortu zen orain dela 25 urte, eta fabrikazio elektronikoa eta eguzki-energiarako…
1992an sortu zenetik, Walter Pack enpresa bizkaitarra erreferente globala izan da pieza dekoratibo eta funtzionalen…