Aste hauetan Donostian eta Bilbon izango diren kirol-ekitaldiei begira, eta bai partiden aurreko uneetan bai ondoren jende asko bilduko dela aurreikusita, Ertzaintzatik material piroteknikoa, bereziki bengalak, erabiltzeak dakartzan arriskuez ohartarazten dute.
Aste honetan eta datorrenean Donostian eta Bilbon jokatuko diren futbol-partidak direla eta, Ertzaintzak herritarrei gogorarazten die jende asko biltzen duten ekitaldietan material piroteknikoa, bereziki bengalak, erabiltzeak arrisku larriak eragin ditzakeela artefaktu horiek erabiltzen dituzten pertsonen eta ingurukoen osasunean eta segurtasunean, hala nola, erredurak, begietako eta entzumeneko lesioak edo sortzen duten kearen ondorio toxikoak.
Gomendio horiek Europar Batasuneko Kontseiluaren txosten batean jasotzen dira. Txosten horretan estatu kideei eskatzen zaie kirol-estadioetan material piroteknikoaren erabilera prebenitzeko estrategiak garatzea.
Bengalak eta bestelako material piroteknikoak erabiltzea ohikoa da kirol-taldeei egiten zaizkien harreretan. Taldeen jarraitzaile asko biltzen dira autobusak eta polizia-segizioa igarotzen direnean, eta, lehen aipatutako arriskuez gainera, pertsonen segurtasunerako beste arrisku-egoera batzuk ere gerta litezke, besteak beste harrapatzeak, ibilgailuen gidarien ikuspenari ere eragiten baitiote egoera horiek.
Ertzaintzatik gogoratzen dute kirol arloan indarkeriaren, arrazakeriaren, xenofobiaren eta intolerantziaren aurkako legeak debekatu egiten duela kirol-esparruetan eta horien inguruan bengalak sartzea, eramatea edo erabiltzea, eta bide publikoan horiek erabiltzea ere zehatu daiteke Herritarren Segurtasuna Babesteko Legea ezarriz, arau-hauste penalak izan ezean.
Jaitsi David Villa Ertzaintzako bozeramailearen adierazpenak
Imanol Pradales Lehendakaria Prudentzio Deunaren Erretretan izan da. La entrada Imanol Pradales Lehendakaria Prudentzio Deunaren…
Nafarroako Gobernuko lehendakariorde eta Memoria eta Bizikidetzako, Kanpo Ekintzako eta Euskarako kontseilari Ana Ollo Doneztebeko…
Barakaldo Kirolak-ek ikerketa abiatuko du gertatutakoa argitzeko Zauritua, garbiketa-enpresako langilea, Gurutzetako ospitalera eraman dute, konortea…
Barakaldoko gazte nerabeen arteko talentu-lehiaketan 67 pertsonak hartuko dute parte. Barakaldoko Udaleko Gazteria Sailak, Giltzarri…
Justizia eta Giza Eskubideen sailburuak bonbardaketaren 88. urteurrena ospatzeko ekitaldietan parte hartu du Bizkaiko udalerrian…
Amaia Barredok, Eusko Jaurlaritzako Elikadura, Landa Garapen, Nekazaritza eta Arrantza sailburuak, zorionak eman dizkie untxi,…