Gaur goizean Bizkaiko Foru Aldundiak eta BBK-k Zirgari Sarietako irabazleen izenak ezagutzera eman dituzte.
Gaur goizean Bizkaiko Foru Aldundiak eta BBK-k Zirgari Sarietako irabazleen izenak ezagutzera eman dituzte.
Euskal Herriko Unibertsitateko Kultura Zientifikoko Katedraren Mujeres con Ciencia blogak Berdintasunaren aldeko proiektuagatik jaso du 2024ko Zirgari Saria.
Mujeres con Ciencia Marta Macho-Stadler UPV/EHUko irakasle eta Matematiketan doktoreak koordinatutako proiektua da. Aurten hamar urte betetzen dituen bloga da eta, denbora tarte horretan, artikulu bana eta zenbait efemeride argitaratu ditu egunero, etenik gabe. Horretaz gain, hainbat elkarrizketa, emakumeak zientzian egindako ekarpenarekin lotutako erreferentziak eta ekimenen inguruko informazioa eskaini du. Lan horrek ahalbidetu du emakume zientzialarien lana azpimarratzea, estereotipoen kontra egitea eta zientziaren jardunean ereduak eskaintzea.
Proiektuaren berezitasunen artean azpimarratu behar da lehena dela unibertsitate-hedapeneko unitate batek sortua eta ez, ohikoagoa den moduan, berdintasun unitate batetik.
Azken hamar urteetan Mujeres con Ciencia blogak 3.500 artikulu eta 1.500 efemeride baino gehiago argitaratu ditu. Guztira, 5.000 pieza informatibo baino gehiago argitaratu dira emakumeek zientzian egindako ekarpena agerian uzteko helburuarekin.
2023ra arte ia 11.870.000 pertsona sartu dira blogera eta ia 25.830.000 orrialde baino gehiago kontsumitu dituzte. Kopuru horiek erakusten dute Mujeres con Ciencia hazkunde jarraia izan duen erreferentziazko proiektua dela. Horren guztiaren ondorioz, Euskal Herriko Unibertsitatearen Argitalpen Zerbitzuak interes zientifikoa duen weba bezala sailkatu du blogaren edukien zehaztasun eta kalitateagatik.
Mujeres con Ciencia Euskal Herriko Unibertsitateko Kultura Zientifikoko Katedraren proiektua da. Horretaz gain, zientzia-dibulgaziorako Zientzia Kaiera, Cuaderno de Cultura Científica eta Mapping Ignorance proiektuak ditu martxan Katedrak.
Imanol Pradales Lehendakaria Prudentzio Deunaren Erretretan izan da. La entrada Imanol Pradales Lehendakaria Prudentzio Deunaren…
Nafarroako Gobernuko lehendakariorde eta Memoria eta Bizikidetzako, Kanpo Ekintzako eta Euskarako kontseilari Ana Ollo Doneztebeko…
Barakaldo Kirolak-ek ikerketa abiatuko du gertatutakoa argitzeko Zauritua, garbiketa-enpresako langilea, Gurutzetako ospitalera eraman dute, konortea…
Barakaldoko gazte nerabeen arteko talentu-lehiaketan 67 pertsonak hartuko dute parte. Barakaldoko Udaleko Gazteria Sailak, Giltzarri…
Justizia eta Giza Eskubideen sailburuak bonbardaketaren 88. urteurrena ospatzeko ekitaldietan parte hartu du Bizkaiko udalerrian…
Amaia Barredok, Eusko Jaurlaritzako Elikadura, Landa Garapen, Nekazaritza eta Arrantza sailburuak, zorionak eman dizkie untxi,…