23 startup elkartu dira 20 ETErekin BIND 4.0 SME Connection ekimenaren 3. edizioko berrikuntza irekiko proiektuak zehazteko

BIND 4.0 SME Connection ekimenaren hirugarren edizioko 23 startup finalistak elkartu dira gaur goizean Bizkaian, Zamudioko Parke Teknologikoan, berrikuntza irekiko plataforman parte hartzen duten 20 ETE-ekin. Ekimen hori startupekin elkarlanean ETE-etan eraldaketa digitala sustatzera bideratuta dago. Datorren urtean garatuko diren proiektuak definitzeko funtsezko topaketa da, industriaren hainbat arlotan (ingurumenean, ekipamenduan eta diseinuan, elikagai eta edarietan, eraikuntzan eta manufaktura aurreratuan) planteatutako erronka teknologikoei erantzuteko helburuarekin.

Topaketa hori BIND 4.0 SME Connection ekimenaren hirugarren edizioan parte hartzeko hautaketa-prozesuaren azken fasea da. Joan den azaroan atera zen deialdia, eta 130 startup baino gehiago aurkeztu ziren, eta Euskadiko Klusterren Erakunde Dinamizatzaileek (KED) planteatutako 5 erronkei erantzuteko eman zuten izena. Networkingaren eta aurkezpenaren jardunaldi horren barruan, 23 startupek parte hartu duten ETE-ekin banaka elkartzeko aukera izan dute, elkarrekin aztertu ahal izateko erronkak eta horien irtenbide teknologikoak.

Izan ere, SME Connection ekimenaren edizio honetan parte hartu duten 20 ETEak Klusterren Erakunde Dinamizatzaileetakoak (KED) dira, eta liderrak dira euren sektoreetan. Aurten, BIND 4.0 SME Connection ekimenean parte hartu duten ETEak honako klusterretakoak dira:Aclima ingurumen-klusterreko Afesa, Basoinsa eta Teknimap; ekipamenduen, altzarien eta diseinuaren Habic klusterreko Astigarraga Kit line, IrurenaGroup eta Algon. Hirugarrenez,Basque Food Cluster elikagaien eta edarien sektoreko Ameztoi, Elosegi, Frutas Iru, Artiach eta Café Fortaleza; Build:Inn Uptek klusterreko Hernani Talleres, Ona eta Loire Gestamp; eta, edizio honetan,Adegi enpresa-elkartetik Reiner eta Siderex siderurgia-klusterreko GHI Homos.

Bilera horiekin, eta startupekin lankidetzan jardunez, SME Connection ekimenaren helburu nagusia ETEak bultzatzea da, haien digitalizazio-prozesua bizkortuz eta lehia-abantailak indartuz, bai eta berrikuntzarako eta negozio-garapenerako haien barne-gaitasunak hobetzea ere.  Startup finalistek soluzio berritzaileak aurkeztu dituzte adimen artifizialean, big datan eta gauzen Interneten (IoT), eta materialak eta hondarrak trazatzeko eta makineriatik ateratako datuak optimizatzeko erabiliko dituzte.

Ezagutu BIND 4.0 SME Connection ekimenaren 3. edizioko startup finalistak:

• EMI SUITE, Internet of Things
• Siali, Adimen Artifiziala
• Cocircular, Big Data
• Data Value Management, Big Data
• Recircular, Adimen Artifiziala
• Aotech, Adimen Artifiziala
• Muutech, Internet of Things
• Dateando, Internet of Things
• Nhod Industries, Internet of Things
• Safeloc, Internet of Things
• Dira Reliabilit, Internet of Things
• Acceleration Robotics, Big Data
• Neuron Soundware, Internet of Things
• Dative.io, Internet of Things
• Xabet, Big Data
• Mairu, Beste batzuk
• Decidata, Adimen Artifiziala
• Recicleye, Adimen Artifiziala
• Hupi, Internet of Things
• Multiverse Computing, Big Data
• Immersia, Adimen Artifiziala
• Geomatico, Big Data
• Fibsen, Internet of Things

3 edizio arrakastatsu

SME Connection Eusko Jaurlaritzak Spri Taldearen eta Up!Euskadi plataformaren bidez sustatutako BIND 4.0 berrikuntza irekiko plataformaren hiru ekimenetako bat da. 2016tik, Euskadiko enpresatan 350 proiektu berritzaile baino gehiago garatzea ziurtatu du, berrikuntza irekiaren onurak eta startupen hazkundea erakutsi ditu proiektu errealekin eta erreferentziako bezeroekin, nazioarteko erreferentziako plataforma bihurtzeraino, eta nazioarteko bi sari lortu ditu.

SME Connection ekimenak erronka-eredua jarraitzen du. Eredu horretan Klusterrak Dinamizatzeko Erakundeek eta ETE-ek euren sektoreko erronka teknologikoak identifikatzeko lan egiten dute. Horiek identifikatzen dituztenean, helburua da erronka horiei erantzutea, ETE bakoitzaren beharretan oinarrituta, startup disruptiboekin proiektu berritzaileak garatuz, lehiakortasuna hobetzeko eta sektorearen digitalizazioa bizkortzeko.