Kontsumoko gastuaren igoera sendoa da otsaileko adierazle ekonomiko nabarmenena, Ekonomia eta Ogasun Sailak prestatutako termometroak ematen duen egoera-balantzearen arabera. Horrek erakusten du joan den hilabetean euskal ekonomiak 82,0ko balioa izan zuela. Erreferentzia horri esker, beste hilabete batez, hazkunde leuneko eremuan egon daiteke, 50 puntutik gora jarraitzen baitu.
Urtarrilaren aldean, EAEko ekonomiak 1,6 puntu egin zuen atzera. Kontsumoko gastuaren igoera indarrik gabe geratu zen inbertsioak eta kanpo-sektoreak bilakaera apalagoa izan zutelako. Sektoreka, eraikuntza eta zerbitzuak dira jarduera ekonomikoaren buru, eta industriak, berriz, dinamismo txikiagoa erakusten du. Alderdi garrantzitsu gisa, enpleguaren portaera azpimarratu behar da, sektoreen artean modu desberdinean bada ere, modu sendoan hazten jarraitzen baitu (euskal ekonomiaren joera positiboaren isla).
Euskal ekonomiak hazkunde leuneko eremuan jarraitzen du duela hamaika hilabetetik, 2023ko martxotik, hain zuzen. Orduan 98,2 puntuko balioa izan zuen, eta horrek hazkunde sendoko eremua uztera eraman zuen, 100 puntutik jaitsi baitzen.
Termometroa hilero egiten da, euskal ekonomiaren 100 adierazletik gora oinarri hartuta, eta hilabete bakoitzaren lehen egunetan argitaratzen da.
Imanol Pradales Lehendakaria Prudentzio Deunaren Erretretan izan da. La entrada Imanol Pradales Lehendakaria Prudentzio Deunaren…
Nafarroako Gobernuko lehendakariorde eta Memoria eta Bizikidetzako, Kanpo Ekintzako eta Euskarako kontseilari Ana Ollo Doneztebeko…
Barakaldo Kirolak-ek ikerketa abiatuko du gertatutakoa argitzeko Zauritua, garbiketa-enpresako langilea, Gurutzetako ospitalera eraman dute, konortea…
Barakaldoko gazte nerabeen arteko talentu-lehiaketan 67 pertsonak hartuko dute parte. Barakaldoko Udaleko Gazteria Sailak, Giltzarri…
Justizia eta Giza Eskubideen sailburuak bonbardaketaren 88. urteurrena ospatzeko ekitaldietan parte hartu du Bizkaiko udalerrian…
Amaia Barredok, Eusko Jaurlaritzako Elikadura, Landa Garapen, Nekazaritza eta Arrantza sailburuak, zorionak eman dizkie untxi,…