UPV/EHUko Eztabaida Elkarteak parlamentu-saioaren simulazio batean ordezkaritza oneneratikoena bilakatu da

«Berriz berri, jarrai bedi» leloarekin, UPV/EHUko Eztabaida Elkartea (ADUEEE) ordezkatu zuten 12 kideek «Ordezkaritza Global Txiki Onena» saria lortu zuten Madrilgo Carlos III. Unibertsitatearen Nazio Batuen Ereduaren hamabosgarren edizioan.

Nazioarteko 600 ordezkari baino gehiagoren aurrean, ADUEEE nabarmendu egin zen politika, diplomazia, giza eskubideak, oratoria, negoziazioa eta argudiatzea bezalako gaietan, eta horrek sari nagusia eman zion.

UPV/EHUko taldea Ekonomia eta Enpresa, Zuzenbidea eta Gizarte eta Komunikazio Zientzietako fakultateetako 12 ikaslek osatu zuten: Borja Morales, Ines Gorrayola, Endika López, Martina Villate, Maite Huici, Marcela Justiniano, Varinia Argote, Kamila Romeo, Joan Arregui, Aritz Piris, Laura Rodríguez eta Joana Moso. Gainera, taldeko 5 kidek sari bereziak lortu zituzten.

Madrilgo Carlos III. Unibertsitateko Nazio Batuen Eredua penintsula osoko mota honetako ekitaldi handienetako bat da. Erakunde honetako ikasleek antolatzen dute, eta errendimendu handiko gazteak biltzen ditu, etorkizuneko liderrak, eta lehen mailako eztabaida-taldeekin ordezkaritzak egiten ditu, bai nazionalak, bai nazioartekoak, oratoria eta lidergoa nabarmenduz.

Ohorezko aipamenak

Lau egunez, ADUEEE-ko kideek eztabaidak simulatu zituzten Europako Parlamentuko eta Nazio Batuen Erakundeko kide direla itxuratu, baita beste erakunde batzuetan ere, hala nola NATOn, gaur egungo munduak planteatzen dituen arazoei irtenbideak aurkitzeko asmoz. Eztabaidetan izandako parte-hartze nabarmenagatik, ADUEEEko kide batzuek ohorezko aipamenak jaso zituzten hainbat kategoriatan:

• Ohorezko aipamena Aritz Piris eta Varinia Argoteri, Europar Batasuneko Ekonomia eta Finantza Gaietako Kontseiluan (ECOFIN), Malaysiako ordezkaritzagatik.
• Ohorezko aipamena Jona Mosori, NATOn, Errumaniaren izenean.
• Borja Moralesen eta Inés Gorrayolaren Ordezkaritza Bikaina, Europar Batasuneko Ekonomia eta Finantza Gaietarako Kontseiluan (ECOFIN), Nigeriako ordezkariak direla eta.