Ertzaintzako agenteek 32 urteko gizon bat atxilotu dute Zigoitian, dirua zuritzearen ustezko delitu batengatik atxilotzeko agindu judizial bat baitzuen indarrean. Atzeman zutenean, 34.000 euro zituen kutxa bat zeraman autoan, eta dirua konfiskatu diote jatorria ikertzeko.
Gaur goizaldeko ordu biak aldera, AP1ean, Zigoitia parean, Gasteizerako noranzkoan, kontrol bat jarrita zuen Ertzaintzaren dotazio batek auto bat geldiarazi du, eta gidariari dokumentazioa eskatu dio. Une horretan, egiaztatu dute gizonak bilatzeko eta atxilotzeko agindu judizial bat zuela, kapitalak zuritzearen ustezko delitu batengatik Malagako epaitegi batek emana.
Susmagarriak agenteei adierazi die Paristik zetorrela, eta, autoa miatu dutenean, agenteek ikusi dute maletategian ezkutatuta zeraman oinetako-kaxa batean 34.000 zeudela, eta ez du horien jatorria azaltzen jakin.
Dirua konfiskatu egin diote jatorria ikertzeko, eta Estatutik ateratzeko edo Estatuan sartzeko baimendutakoa baino kopuru handiagoa zelako. Errekisitoria indarrean zegoela egiaztatu ondoren, atxilotu egin dute.
Atxilotua polizia-egoitzara eraman dute dagozkion izapideak egitera, agintari judizialaren eskuetan jarri aurretik.
Ertzaintzako agenteek bi gizon atxilotu dituzte iruzurrez gizarte-laguntzetan 300.000 euro inguru jaso ostean. Euskal Enplegu…
Atzo eguerdian, Ertzaintzako agenteek 32 urteko gizon bat atxilotu zuten, segurtasun-enpresa bateko dirua biltzeko furgoneta…
Iraila iristearekin batera, Barakaldoko Udalaren gazte-aisialdirako plataformak bere jarduerari ekingo dio berriro egunotan. Horretarako, zerbitzu…
Programa 16 eta 29 urte bitarteko pertsonei zuzenduta dago, eta Lanbide-Euskal Enplegu Zerbitzuak Berreskurapen, Eraldaketa…
Barakaldoko Udaleko Garapen Jasangarriaren eta Ingurune Naturalaren Arloak «Metrominuto» bultzatu du. Mapa sinoptiko bat da,…
Zarauzko Udal Euskaltegiak 2024-2025 ikasturteari hasiera eman dio. Aurtengoa, euskaltegiaren 42. ikasturtea izango da eta,…