Atzo Barakaldon atxilotutako bi lagun epailearen esku utzi dituzte

Ertzaintzak epailearen esku utzi ditu atzo Barakaldoko Udaltzaingoak atxilotutako hiru lagunetatik bi, agintaritzaren agenteen aurkako atentatu-delitu bat egotzita. Hirugarren atxilotuak Gurutzetako Ospitalean jarraitzen du.

Atzo, osteguna, Barakaldoko Udaltzaingoak hiru gizon atxilotu zituen, agintaritzaren agenteen aurkako atentatua egotzita. Gertakarietan udaltzaingoko agente batek arauzko arma erabili zuenez, Ertzaintzak hartu ditu bere gain agintaritza-agenteen aurkako atentatu-delituarekin lotuta atxilotutako hiru pertsonak. Era berean, delitu horren ikerketaren esparruan, Ertzaintzak bi aizto konfiskatu ditu gertakarien lekuan.

Ertzaintzak bi atxilotu epailearen esku utzi ditu gaur arratsaldean, hirugarrena Gurutzetako Ospitalean baitago, Barakaldon.

Gertakariak argitzea

Aldi berean, Ertzaintzak eginbideak ireki ditu polizia-jarduketan gertatu ziren inguruabarrak argitzeko, eta, horiek amaitzen direnean, epaitegi eskudunaren esku utziko ditu. Era berean, Segurtasun Sailak gertakarien berri eman dio Ertzaintzaren eta udaltzaingoen jarduerak aztertzeko sortutako Euskal Autonomia Erkidegoko Poliziaren Kontrol eta Gardentasun Batzordeari.