49 urteko gizon batek Euskadiko Larrialdi Zerbitzuen esku-hartzea behar izan du konortea galdu ostean, eta suspertu egin behar izan dute, Gaztelugatxera egindako bisitan. 43 urteko mendizale batek ere laguntza behar izan du besoa haustean, Gorbeia mendiaren inguruan. 24 urteko surflari bati laguntza eman diote Barinatxe hondartzan. Azkenik, 55 urteko emakume batek laguntza behar izan du Gornutz mendian, eta 46 urteko txirrindulari bat erreskatatu dute Leintz-Gatzagan.
12:03 aldera, partikular batek SOS Deiak 112 telefonoaren bidez jakinarazi du gizon bat bihotzekoak jota egon daitekeela Gaztelugatxeko bisita-gunearen hasieran, Bermeon. Biktima, gaizki sentitzen hasi zenean, eseri egin zen, eta, ondoren, zorabiatru, eta beste oinezko bat bizkortzen saiatu zen.
Hori dela eta, Eusko Jaurlaritzako Larrialdiei Aurregiteko Zuzendaritzako teknikariek Osakidetzako helikoptero bat, suhiltzaileak eta beste osasun-baliabide batzuk bidali dituzte bertara. Gernikako ertzain-etxeko herritarren babeserako agenteek erreskatean lagundu dute.
Laguntza berehalakoa izan denez, biktima konortea galduta eraman dute Gurutzetako Ospitalera.
Bestalde, 12:32 aldera, Sopelako Barinatxe hondartzan, Emergentzietako SOS Deiak 112 telefonora deituta, 24 urteko surflari batek belauna hautsi duela jakinarazi dute, eta laguntza behar izan du.
Getxoko ertzain-etxeko suhiltzaileak eta herritarren babeserako baliabideak bertaratu dira. Biktima Urdulizko Ospitalera eraman dute anbulantzian.
Era berean, 12:53an, Gorbeia mendiaren inguruan, Muruako harrobietan, mendizale batek Emergentzietako SOS Deiak 112 telefonora deitu du, 43 urteko lagunak besoan haustura irekita zuela jakinarazteko.
Ertzaintzaren helikoptero bat bertaratu da, mendirako eta larrialdietako beste baliabide batzuk dituena, eta aireontziak biktima erreskatatu du, ondoren anbulantzian Txagorritxuko Ospitalera eramateko.
Halaber, 55 urteko emakume batek bihurdura bat dela eta laguntza behar izan du Gornutz mendian, 12:55 aldera. Irungo ertzain-etxeko suhiltzaileek eta herritarren babeserako patruilek eman diote laguntza, eta Gurutze Gorriak Bidasoako Ospitalera eraman du.
Azkenik, 13:19 aldera, txirrindulari batek SOS Deiak 112 Larrialdietarako Zerbitzura deitu du, 46 urteko lagunak bizikletan erori eta lepauztaia hautsita zuela jakinarazteko.
Bergarako ertzain-etxeko suhiltzaileek eta herritarren babeserako patruilak eman diote laguntza. Biktima Txagorritxuko Ospitalera eraman dute anbulantzian.
24_0521 Detenida en Hernani por intento de homicidio tras agredir con un arma blanca a…
24_0520 Bi atxilotu Irunen, etxebizitza batean lapurtzeagatik Bi atxilotu Irunen, etxebizitza batean lapurtzeagatik Servicio de…
JAZ-Zubiaurre es una de las firmas centenarias y familiares que lejos de acomodarse en el…
Interesdunek Gazteriako webgunearen bidez izena eman dezakete irailaren 23tik aurrera Hemeretzigarren urtez jarraian, Donostia Gazteriak…
Udaltzaingoaren 175.urteurrena dela-eta antolatu da eta azaroaren 20 arte ikusi ahal izango da Okendo Kultur…
Eusko Jaurlaritzako Industria, Trantsizio Energetiko eta Jasangarritasun Sailak lortu du mundu osoko startupen parte-hartzea inoiz…