Igeldotarrek aldez aurretik bozkatu ahal izango dute apirilaren 8tik 12ra bitartean
Eneko Goia alkateak gogorarazi duenez, «Igeldoko bizilagunek igande honetan adierazi ahal izango dute auzoan emango den urrats garrantzitsu horren inguruko adostasuna edo desadostasuna, eta aste honetan zehar boto aurreratua ere eman ahal izango dute Herritarren Partaidetzarako Sailaren bulegoetan«.
Bozketa 2024ko apirilaren 14an izango da, 9:00etatik 20:00etara, Itsas Aurre eraikinean (Igeldoko plaza, 4). Toki Erakunde Txikiak hartuko duen mugaketaren barruan erroldatuta dauden 16 urtetik gorako pertsona guztiak daude deituta, hau da, Igeldok dituen 1.067 biztanleetatik 984.
Kontsultaren egunean joaterik ez dutenek boto aurreratua eman ahal izango dute apirilaren 8tik 12ra bitartean, Herritarren Partaidetzako Zerbitzuan hitzordua eskatuta (943481356, udala_partaidetza@donostia.eus). Hitzordua hartu ondoren, Easo kaleko 43-1 zenbakira joan beharko dute.
Bi kasuetan, botoa aurrez aurre emango da (NANa, pasaportea argazkiarekin, AIZ edo gidabaimena argazkiarekin aurkeztuta), eta ezin izango da botoa eskuordetu.
Kontsultarako planteatzen den galdera honako hau da:
Ados al zaude Igeldoko Toki Entitate Txikia sortzearekin?
Erantzun posibleak BAI edo EZ izango dira, eta ezarritako hautestontzian gutun-azal itxi baten barruan sartuko den boto-paper batean adieraziko dira. Emandako botoan erantzunik ematen ez bada, boto zuritzat hartuko da.
Bozketa presentziala izango da, eta 2024ko apirilaren 14an egingo da, 9:00etatik 20:00etara, Itsas Aurre eraikinean (Igeldoko plaza, 4).
Bozketa amaitutakoan, mahaiak botoen zenbaketa publikoa egingo du eta emaitza zehaztuko du. Aldeko emaitza izanez gero, espedientea Gipuzkoako Foru Aldundira bidaliko da, Foru Dekretu bidez ebatz dezan.
Emaitza Toki Entitate Txikia eratzearen aurkakoa bada, organo eskudunak jendaurrean eta arrazoituta adieraziko du kontsultaren emaitzak nola eragingo duen proiektuaren bilakaeran.
Barakaldo Kirolak continúa mejorando los servicios que ofrece a los clubes deportivos a través de…
Udaltzaingoaren bi agentek txatar egitera eraman behar ziren 45 bizikleta konpondu dituzte eta Paiporta eta…
Psifiacos osasun mentalerako software berritzailearen garapenean espezializatutako enpresa teknologikoa da. Gaur egungo ikuspegia ANNi garapenean…
El Instituto Vasco de Consumo, Kontsumobide, consciente de que «la energía es un bien de…
Eider Mendoza, diputada general de Gipuzkoa, ha podido comprobar de primera mano el impacto positivo…
Las actuaciones se desarrollarán en el Conservatorio J.C. Arriaga, la Biblioteca de Bidebarrieta, el instituto…