24_0223 Ertzaintzak Etxebarrin aurkitutako lehergailu militar bat suntsitu du
Ertzaintzak Etxebarrin aurkitutako lehergailu militar bat suntsitu du
Prentsa zerbitzua
2024-04-19
Ertzaintzaren Lehergailuak Indargabetzeko Unitateak (LIU) astelehenean Etxebarrin aurkitu zuten itsas artilleriako jaurtigai bat suntsitu du.
Etxebarriko lursail batzuetan makina astunekin garbiketa lanak egiten ari zirela aurkitu zuten lehergailua, astelehen goizean.
LIUk, lokalizazioaren berri izan ondoren, kendu eta Ertzaintzak Berrozin dituen instalazioetara eraman zuen, suntsitzeko.
Itsas artilleriako jaurtigai bat da, Gerra Zibilekoa, 385 kilogramokoa eta ia metro bateko luzerakoa, eta ez da oso ohikoa izaten, are gutxiago kostaldetik kanpoko eremu batean.