Jardunaldia: ‘Kirola eta komunikazioa gizarte-balio gisa’

Apirilaren 16an, asteartea, Bizkaia Aretoan, Bilbon, kirolaren eta multimedia komunikazioaren arteko harremanaz eztabaidatu eta hausnartzeko jardunaldia izan zen. EITB Komunikazio Gelak, Gizarte eta Komunikazio Zientzien Fakultateak eta UPV/EHUko Hezkuntza eta Kirol Fakultateak antolatu zuten ekitaldia, eta sektoreko aditu eta profesional ezagunak bildu ziren gai horren inguruko hainbat alderdi eztabaidatzeko.

Jardunaldiak balio handiko espazioa eskaini zuen kirolaren eta multimedia-komunikazioaren esparruko ideiak trukatzeko eta loturak sendotzeko. Aurkezpenari ekin zioten Gorka Iturriagak, Eusko Jaurlaritzako Kirol zuzendaria, Ana Irene Del Vallek, UPV/EHUko Gizarte eta Komunikazio Zientzien Fakultateko dekanoa, eta Maite Fuentes Azpirozek, UPV/EHUko Hezkuntza eta Kirol Fakultateko dekanordea.

Lehen hitzaldia, «De la formación académica a la investigación en comunicación deportiva» izenekoa, Gema Lobillo Mora doktorearen, Malagako Unibertsitateko irakasle titularra, esku egon zen. Francisco José Prieto Garcíak, Kirol Prentsaren Elkartea (AEDP), aurkeztu zuen. Ondoren, «Redes sociales y nuevas formas de comunicación y emprendizaje» gaia jorratu zen, Aritz Gonzálezen, Bisons Eclub (E-Sports), eta Sergio Vegasen (SergioBasket_vlogs) parte-hartzearekin eta Alberto Acebedok, EITBko koordinatzaile, aurkeztu eta moderatuta. Irteera profesional berri horren errealitatean oso zentratuta, Gonzalezek eta Vegasek lekua egiteko gakoak azpimarratu zituzten ikasleengan: dinamikoak eta proaktiboak izatea, marka pertsonal bat sortzea, grina pizten duen zerbait aukeratzea eta komunikatzea.

Atsedenaldi baten ondoren, “Emakumeak kirol komunikazioan: Zer aldatu da?” ponentziarekin jarraitu zuen jardunaldiak, Amane Ibañez Goikoetxeak, EITB MEDIA Kiroletako Kirol zuzendariordea, aurkeztu eta Arantza Gutierrezek, UPV/EHUko Kazetaritza Saileko irakaslea moderatuta. «Estrategias de comunicación corporativa en el deporte» mahai-inguruak jarraitu zuen: Ibon Landa Hernándezek, Athletic Clubeko Komunikazio arduraduna, Elena Etxebarrietak, Basque Team-eko komunikazio arduraduna, Alberto Fernández Canelok, Baskonia Alaveseko Komunikazio zuzendaria, eta Luis Arconadak, Realeko komunikazio arduraduna, parte hartu zuten. Mahai-ingurua hau Maitane Urbietak, Euskadi Irratiko kirol kazetaria, moderatu zuen. Agerian utzi zuten komunikazioan ari diren ikasleen belaunaldi berriek aukera berriak dituztela multimedia komunikaziorako kirolean.

Ekitaldiak Bizkaiko Campuseko Errektoreordetzako Kirol Zuzendaritzaren eta Eusko Jaurlaritzako Kirolaren Euskal Eskolaren lankidetza izan zuen. «Ética de la comunicación deportiva frente a bulos, clickbaits y demás desinformación » gaiari buruzko hitzaldia ere egin zen, Borja Osés García Dopinaren Aurkako Euskal Agentziako aholkulari juridikoaren eskutik eta Ilargi Gorostegik, UPV/EHUko Hezkuntza eta Kirol Fakultateko irakaslea, aurkeztua eta moderatua.

Azkenik, lehen mailako hainbat kirolari bildu zituen egindako mahai-inguruak: Eneko Acero (surflaria), Iñaki Zubizarreta (saskibaloiko jokalari ohia), Clara Azurmendi (Badminton-Basque Teameko jokalaria), Klara Olazabal (Slalom-Basque Teameko piraguista) eta Oscar de Marcos, Athletic Clubeko jokalaria. De Marcosek txikitatik bere aitaren laguntzarekin entrenatzen zuen iraunkortasuna eta ahalegina gogoratu zituen, beti babesa eman baitzion. Bestalde, Zubirraretak kirolak eta balioetan oinarritutako komunikazioak gizartearen osasun mentala hobetzeko eta mehatxu zehatzen aurka borrokatzeko duten ahalmena azpimarratu zuen, hala nola jazarpena edo bullyinga. Izan ere, azken eztabaida horretan, kirolaren munduarekin lotura osasuntsua eta egokia dagoenean gizartean garatu daitezkeen balio positiboen ideia nabarmendu zuen.