24_0263 Balmaseda, gizon bat ikertu dute ibilgailu bat eta bederatzi edukiontzi erre zituen sutea eragiteagatik
15.000 eurotik gorako kalteak izan dira
Balmaseda, gizon bat ikertu dute ibilgailu bat eta bederatzi edukiontzi erre zituen sutea eragiteagatik
Prentsa zerbitzua
2024-05-08
Ertzaintzak 35 urteko gizon bat ikertu du, apirilean Balmasedako herriguneko hainbat kaletan 9 edukiontzi erretzeagatik. Edukiontzietako bateko suak kalte larriak eragin zizkion aldamenean aparkatuta zegoen ibilgailu bati.
Joan den apirilaren 29ko gauean, 9 edukiontzi erre zituzten Balmasedako hainbat kaletan. Gainera, horietako bateko suak kalte larriak eragin zizkion aldamenean aparkatuta zegoen ibilgailu bati.
Ertzaintzak ikerketa jarri zuen abian eta, Balmasedako Udaltzaingoaren laguntzaz, ustezko egilea identifikatu du. Ustezko egile hori suteak eragindako kalteen delituagatik ikertu dute, eta horien zenbatekoa 15.000 eurotik gorakoa da.
Ikertutako gaztea Balmasedako Guardiako Epaitegiak zitatuko du.