Ertzaintzak hogei bat pertsona modu irregularrean zeramatzaten bi furgoneta atzeman ditu Armiñonen eta Gasteizen. Garraitzeagatik, dirudienez, diru-kopuru bat ordaindu zuten jatorri indiarreko eta pakistandarreko migratzaileen legez kanpoko trafikoa litzateke. Ertzaintzak bi gidariak atxilotu ditu.
Lehenengo ibilgailua A-1 errepidean, Armiñon parean, geldiarazi zuen igande goizaldean Arabako Trafikoko Lurralde Unitateko patruila batek, zirkulazio-kodea urratu ondoren. Ertzainek ikusi zuten furgonetan 9 pertsona zihoazela, gidariaz gainera, eta euren helmugari buruz bertsio desberdinak eta ulergaitzak eman zizkieten. Dirudienez, Portugal izan zitekeen, eta bidaia-gastuak ordaintzeko diru-kopuru bat ordaindu zuten antza.
Egoera horren aurrean, Ertzaintzak furgonetaren gidaria, 37 urteko gizona, atxilotu zuen, eta bederatzi bidaiariak Polizia Nazionalaren egoitzara eraman zituzten, haien administrazio-egoerei buruzko izapideak egitera.
Ertzaintzako Miñoien Atalak atzo, astelehena, goizaldean atzeman zuen bigarren furgoneta A-1 errepideko gasolina-zerbitzugune batean, Gasteizen, atzeko pneumatikoetako bat normala baino baxuago ikustean. Agenteek egiaztatu zuten ibilgailuan jende gehiegi zihoazela, gidariaz gainera nazionalitate ezberdinetako beste 13 pertsona baitzihoazen.
Gasteizko Ertzain-etxeko Herritarren Babeseko ertzainak egin ziren jarduketaren kargu, eta bidaiariak Atzerritarren bulegora eraman zituzten. Furgonetaren gidaria, 29 urtekoa, pertsonen ustezko trafikoa leporatuta atxilotu zuten.
Bi atxilotuak polizia-eginbideak amaitutakoan jarri zituzten agintari judizialaren eskuetan.
24_0501 Oyón-Oion-en atxilotua ibilgailu bat nahita erretzeagatik Oyón-Oion-en atxilotua ibilgailu bat nahita erretzeagatik Servicio de…
24_0502 Ingresa en prisión el hombre detenido ayer en Vitoria-Gasteiz por intento de homicidio a…
Ertzaintzak 20 eta 25 urte bitarteko bost gizon atxilotu ditu azken orduetan, lesio-delitu bat egotzita,…
Foruen Pasealekua berritzen hasi da. Udalak gaur goizean iragarri du Barakaldoko kale nagusia oinezkoentzako kale…
Azken orduetan Donostian izan den sexu erasoaren aurrean Udalak honako hau adierazten du: 1.- Udalak…
Basque Trade & Investment-ek (BasqueTrade), SPRI Taldean sartuta dagoen euskal enpresak nazioartekotzeko agentziak, automobilgintzaren industriako…