Eusko Jaurlaritzak AAA Issuer & Investor Summit lehen mailako jaulkitzaileen goi-bilera finantzarioan parte hartu du gaur Erroman, Euskadi Bonu Jasangarriaren ibilbidea eta politika publikoetarako finantzaketa jasangarriaren aldeko apustua aurkezteko gonbidatu baitute. Horrela, Pedro Azpiazu jarduneko Ekonomia eta Ogasuneko sailburuak 2018an hasitako prozesu baten xehetasunak eman ditu. Zortzi jaulkipen egin ondoren, 2024an bonu jasangarrian 5.000 M €-ra iristea lortu du.
Era berean, Euskadiko datu sozioekonomikoak eta rating bikainak islatu dira. Izan ere, horiek ahalbidetzen dute merkaturatzeko ekimena arrakastatsua izatea. 2024ko jaulkipenak, non eskaria eskaintza baino ia zazpi aldiz handiagoa izan baitzen, erakusten du Eusko Jaurlaritzak jarraitzen duela bonu jasangarrien merkatuaren garapenean paper garrantzitsua betetzeko asmo sendoarekin, baita finantzaketa arduratsu eta efizientea sustatzeko ere, aurkezten diren ingurumen-, ekonomia- eta gizarte-erronkei aurre egitea helburu hartuta. Goi-bilera honetan parte hartzeak aukera ematen dio Eusko Jaurlaritzari inbertitzaileen nazioartekotzearen aldeko apustuari eusteko, Bonu Jasangarriaren jaulkipen bakoitzean pisu handia izan baitu.
Euskadirekin batera, beste herrialde batzuek, hala nola Alemaniak, Italiak, Erresuma Batuak eta Suediak, beren finantza-ahalmenak ezagutzera eman dituzte, erakunde hauekin batera, besteak beste: Munduko Bankua, Frantziako Garapen Agentzia, Espainiako Altxorra, ICO eta Europako Inbertsio Bankua. Ipar Renania – Westfalia eskualdea ere egon da ekitaldian, eta Europar Batasuneko ordezkaritza batek ere parte hartu du. Foroan 30 bat erakunde izan dira, horien artean Kutxabank, eta Europar Batasuneko zein hainbat herrialde eta kontinentetako finantza-organoak.
Foro horretan, merkatuak zortzi bonu jasangarrien jaulkipenak babestea ahalbidetu duten datu sozioekonomikoak azaldu ditu Pedro Azpiazu Ekonomia eta Ogasuneko sailburuak.
Ekarritako adierazleen artean, Azpiazuk azpimarratu du Euskadin 2022an gainditu egin zela per capita BPGd-aren pandemia aurreko maila, % 10,5 hazi baitzen 2021arekin alderatuta, eta lortu zuela EAEko per capita BPGd-a Europako batez bestekoa baino % 9 handiagoa izatea 2022an, eta 22 puntu handiagoa Espainiako batez bestekoa baino. Era berean, zehaztu du Euskadiko industriak pisu erlatibo askoz handiagoa duela Europako batez bestekoa baino (% 23,7 eta % 20,5, hurrenez hurren), eta Espainia osokoa baino.
Eskualde-lehiakortasunaren adierazlea ere gelditu egin da: Euskadi autonomia-erkidegoen buruan dago, eta Espainia osoko batez bestekoaren % 40,7 gainetik. Adierazle horiek badute bere osagai soziala. Izan ere, Azpiazuk azpimarratu duenez, Giza Garapenaren Indizean munduko lehen 14 herrialdeen artean dago Euskadi, NBEren arabera.
Finantzen alorrean, Ekonomia eta Ogasuneko sailburuak azpimarratu du kalifikazio-agentzia nagusien iritziz Eusko Jaurlaritzaren kontu publikoek duten sendotasuna. Hala, Euskadik “AA-“ ratingari eusten dio (Estatuko ratinga baino bi maila gorago), ikuspegi egonkorrarekin, S&P agentziaren arabera. Balorazio hori Moody’s agentziak lehentxeago adierazitako hobekuntzarekin bat zetorren, “A3” ratinga mantendu eta Euskadiren perspektiba “egonkorretik” “positibora” igaro baita.
24_0501 Oyón-Oion-en atxilotua ibilgailu bat nahita erretzeagatik Oyón-Oion-en atxilotua ibilgailu bat nahita erretzeagatik Servicio de…
24_0502 Ingresa en prisión el hombre detenido ayer en Vitoria-Gasteiz por intento de homicidio a…
Ertzaintzak 20 eta 25 urte bitarteko bost gizon atxilotu ditu azken orduetan, lesio-delitu bat egotzita,…
Foruen Pasealekua berritzen hasi da. Udalak gaur goizean iragarri du Barakaldoko kale nagusia oinezkoentzako kale…
Azken orduetan Donostian izan den sexu erasoaren aurrean Udalak honako hau adierazten du: 1.- Udalak…
Basque Trade & Investment-ek (BasqueTrade), SPRI Taldean sartuta dagoen euskal enpresak nazioartekotzeko agentziak, automobilgintzaren industriako…