24_0301 Ertzaintzak, Frantziako poliziarekin batera, joan den apirilean Irunen izandako hilketaren ustezko egilea atxilotu du Frantzian
Servicio de prensa
2024-05-23
Ertzaintzako agenteek, Frantziako poliziarekin elkarlanean, gizon bat atxilotu dute Frantzian, joan den apirilaren 14an Irunen izandako hilketaren ustezko egilea delakoan. Gipuzkoako Ikerketa Kriminaleko Lurralde Zerbitzuak hartu zuen bere gain ikerketaren ardura, eta susmagarria identifikatzea eta Frantzian bizi zela jakitea lortu zuen. Irungo epaitegiak ustezko egilea, 40 urtekoa, atxilotzeko eta entregatzeko agindu europarra eman zuen, eta Ertzaintzak atzo goizean atxilotu zuen Hazparnen.
Gertakariak apirilaren 14koak dira. Euskadiko Larrialdietako Zerbitzuek jakinarazi zuten gorpu bat aurkitu zutela Irungo San Migel auzoko eremu batean. Gorpuak indarkeria-zantzuak zituenez, Gipuzkoako Ikerketa Kriminaleko Lurralde Zerbitzuak ikerketa hasi zuen gertatutakoa argitzeko, eta atzo goizean susmagarri nagusia atxilotu zuen.
Irungo epaitegiak atxilotzeko eta entregatzeko agindu europarra eman zuen, ikertzaileek susmagarria identifikatu eta Frantzian bizi zela jakin zutenean. Frantziako Polizia Nazionalaren lankidetzari esker, ustezko egilea Hazparnen aurkitu zuten, eta Ertzaintzako agenteek bertan atxilotu zuten atzo, asteazkena.
Atxilotua 40 urteko gizona da, eta gaur goizean jarri dute agintari judizialaren eskuetan Irungo Guardiako Epaitegian. Epaileak espetxeratzeko agindua eman du.
24-0517 Kartzelan sartu dute abuztuaren amaieran Sopelan izandako sexu-eraso baten egilea Kartzelan sartu dute abuztuaren…
Urnietan (Gipuzkoa) kokatutako enpresa da Iparlat, eta esnekiak eta edari begetalak ekoizten, ontziratzen eta merkaturatzen…
24_0516 Tres detenidos por robo con violencia en Bilbao la Vieja Hiru atxilotu Bilbo Zaharrean…
Maria Chivite Navascues Nafarroako Lehendakariak Altzuzako Jorge Oteiza Fundazio Museoa bisitatu du gaur goizean. Bertan,…
Mikel Irujo Nafarroako Gobernuko Industriako eta Enpresen Trantsizio Ekologiko eta Digitalerako kontseilariak MONDRAGON Korporazioaren proiektua bisitatu du…
Haur eta Lehen Hezkuntzako Nafarroako hamabost ikastetxe egokitu dira Laguntza programara, eskola-jazarpena eta -ziberjazarpena, indarkeria…