Ertzaintzak Luis Hortelano García, ETAk 1989an Bilbon hil zuen agentea, omendu du

Ertzaintzak omenaldia egin dio gaur Luis Hortelano García ertzainari, ETAk hil zuenetik 35 urte bete direnean. Lore-eskaintza 12:00etan egin da Ertzaintzaren Iurretako instalazioetan.

Luis Hortelanok 33 urte zituen eta Lehergailuak Indargabetzeko Unitateko burua zen ETAk 1989ko maiatzaren 24an Bilboko Zorrotza auzoan hil zuenean. Polizia-espezialistak terroristek taxi batean jarritako lehergailu bat indargabetzen ari zirenean, mekanismo tranpa bat lehertu zen, eta ertzaina eta Polizia Nazionaleko Tedax taldeko Manuel Jódar Cabrera eta José María Sánchez García kideak hil ziren. Beste lau polizia, suhiltzaile bat eta sei herritar zauritu ziren ETAren atentatu hartan.

Victoria Landa Ertzaintzaren zuzendariak eta Josu Bujanda Ertzaintzaren buruak, Lehergailuak Indargabetzeko Unitateko, Brigada Mugikorreko eta Zaintza eta Erreskate Unitateko besteko agintari eta agente batzuekin batera, gaur, ostirala, 12:00etan, Ertzaintzaren Iurretako egoitzan (Bizkaia), haren omenez jasotako monolitoaren ondoan, egin den ekitaldian parte hartu dute. Bertan lore-eskaintza eta minutu bateko isilunea egin dituzte.

Oroimen-ekitaldia Ertzaintzaren unitate eta polizia-zentro guztietan ere egin dute gaur eguerdian, eta minutu bateko isilunea egin dute hildako ertzainaren oroimenez.

15 agente hil zituen ETAk

Ertzaintzako 15 agente hil zituen ETAk 1985etik 2001era bitartean:

1. Carlos Díaz Arcocha (1985).
2. Genaro García de Andoain Larrinaga (1986).
3. Juan José Pacheco Cano (1988).
4. Luis Hortelano García (1989).
5. Alfonso Mentxaka Lejona (1991).
6. Joseba Goikoetxea Asla (1993).
7. José Luis González Villanueva (1995).
8. Iñaki Mendiluze Etxeberria (1995).
9. Ramón Doral Trabadelo (1996).
10. José María Aguirre Larraona (1997).
11. Jorge Díez Elorza (2000).
12. Mikel Uribe Aurkia (2001).
13. Iñaki Totorika Vega (2001).
14. Javier Mijangos Martínez de Bujo (2001).
15. Ana Isabel Arostegui Legarreta (2001).

Jaitsi erantsitako dokumentua

Jaitsi erantsitako dokumentua

Jaitsi erantsitako dokumentua

Jaitsi erantsitako dokumentua