Emakumea, 61 urtekoa, gau osoan egon da desagertuta, eta Ertzaintzaren Txakur Unitateak aurkitu du bere baserri inguruan, Azpeitiako Odria auzoan, ezponda batean erorita eta hanka batean min hartuta. Ondoren, Ertzaintzaren Zaintza eta Erreskate Unitateak eta Gipuzkoako suhiltzaileek erreskatatu dute emakumea, eta anbulantzian eraman dute Donostia ospitalera.
Goizaldeko 01:15 aldera, pertsona batek SOS-Deiak 112ra deitu zuen, arratsaldean koinata baserrian utzi zuela eta gauean emakumea ez zegoela bertan esanez. Pertsona horri harrigarria iruditu zitzaion hori, hainbat zeregin erdizka utzi zituela ikusi baitzuen, eta Ertzaintzara deitzea erabaki zuen, egoeraren berri emateko.
Horren aurrean, eta goizaldean ikertzen aritu ondoren eta emakumea sarri ibiltzen zen beste leku batzuetan ez zegoela egiaztatu ostean, baserri inguruan, Azpeitiako Odria auzoan, hasi dira haren bila, Eusko Jaurlaritzako Larrialdiei Aurre Egiteko Zuzendaritzako teknikari batek koordinatuta. Laguntza-dispositiboan Urola-Kostako Ertzain-etxeko patruilek, Ertzaintzaren Txakur Unitateak eta Zaintza eta Erreskate Unitateak, Gipuzkoako suhiltzaileek eta Azpeitiako Udaltzaingoak parte hartu dute.
Azkenean, gaurko 09:00etan, Ertzaintzako Txakur Unitateak aurkitu du 61 urteko emakumea, baserri inguruko ezponda batean erorita. Emakumea hanka batean min hartuta zegoen eta ezin zen mugitu, eta Ertzaintzaren Zaintza eta Erreskate Unitateak eta Gipuzkoako suhiltzaileek atera dute osasun-zerbitzuek artatu ahal izateko.
Gero, biktima anbulantzian eraman dute Donostia Ospitalera.
24_0520 Bi atxilotu Irunen, etxebizitza batean lapurtzeagatik Bi atxilotu Irunen, etxebizitza batean lapurtzeagatik Servicio de…
JAZ-Zubiaurre es una de las firmas centenarias y familiares que lejos de acomodarse en el…
Interesdunek Gazteriako webgunearen bidez izena eman dezakete irailaren 23tik aurrera Hemeretzigarren urtez jarraian, Donostia Gazteriak…
Udaltzaingoaren 175.urteurrena dela-eta antolatu da eta azaroaren 20 arte ikusi ahal izango da Okendo Kultur…
Eusko Jaurlaritzako Industria, Trantsizio Energetiko eta Jasangarritasun Sailak lortu du mundu osoko startupen parte-hartzea inoiz…
NX Technologiesek ibilgailuak elektrifikatzeko soluzio elektronikoak eskaintzen ditu, eta bateriak eta trakzio-alderanzgailuak kudeatzeko sistemetan espezializatuta…