24_0312 Bi pertsona atxilotu dituzte Eskoriatzako etxe batean lapurreta egiten ahalegintzeagatik
Prentsa zerbitzua
2024-05-30
Ertzainek 42 urteko emakume bat eta 20 urteko gizon bat atxilotu zituzten atzo, asteazkena, Eskoriatzako etxebizitza batean lapurretan harrapatu ondoren. Ihesi zihoazenean pertsona bati bultza egin zioten.
Atzo arratsaldeko zazpiak aldera, poliziaren laguntza eskatu zuten Eskoriatzako etxebizitza batetik, lehentxeago lapurreta egiten saiatu zirela esanez. Dirudienez, etxearen jabeak bi pertsona ikusi zituen etxean lapurreta egin nahian, eta, ustekabean harrapatu zituztela ikustean, ihes egin zuten. Ihesi zihoazenean, bultza egin zioten salatzailearen senitarteko bati, gertatutakoaren berri izan ondoren susmagarriak eraikineko ataritik irtetea eragozten saiatzen ari zenean.
Lekura berehala agertu zen polizia-dotazioak jakin ahal izan zuenez, lapurreta egiten saiatu zen bikoteak auto batean ihes egin zuen, eta handik pixka batera geldiarazi zuten autoa eta bidaiariak identifikatu zituzten.
Auto susmagarrian zihoazen gizona eta emakumea sarraila behartuta etxean sartu zirenak zirela egiaztatu ondoren, agente jarduleek atxilotu eta polizia-egoitzara eraman zituzten, agintari judizialaren eskuetan jarri aurretik zegozkion izapideak egiteko.
Ertzaintzako agenteek bi gizon atxilotu dituzte iruzurrez gizarte-laguntzetan 300.000 euro inguru jaso ostean. Euskal Enplegu…
Atzo eguerdian, Ertzaintzako agenteek 32 urteko gizon bat atxilotu zuten, segurtasun-enpresa bateko dirua biltzeko furgoneta…
Iraila iristearekin batera, Barakaldoko Udalaren gazte-aisialdirako plataformak bere jarduerari ekingo dio berriro egunotan. Horretarako, zerbitzu…
Programa 16 eta 29 urte bitarteko pertsonei zuzenduta dago, eta Lanbide-Euskal Enplegu Zerbitzuak Berreskurapen, Eraldaketa…
Barakaldoko Udaleko Garapen Jasangarriaren eta Ingurune Naturalaren Arloak «Metrominuto» bultzatu du. Mapa sinoptiko bat da,…
Zarauzko Udal Euskaltegiak 2024-2025 ikasturteari hasiera eman dio. Aurtengoa, euskaltegiaren 42. ikasturtea izango da eta,…