Indarkeria politikoari buruzko Topaketen Topaketa Errestauratiboko nazioarteko sareak Justizia Errestauratiboaren 7. Saria (https://www.euforumrj.org/en/european-restorative-justice-award) jaso du Tallinen (Estonia), Justizia Errestauratiboaren Nazioarteko Konferentziaren 12. edizioan zehar. Universidad del País Vasco/Euskal Herriko Unibertsitateko Kriminologiaren Euskal Institutuak bultzatu zuen aipatutako sarea 2019an, beste herrialde batzuetako unibertsitate eta erakundeekin batera.
Gema Verona Kriminologiaren Euskal Institutuko zuzendariak nabarmendu duenez, “zoritxarrez dagoeneko gure artean ez daudenak ohoratzen ditu sari honek (hildakoen aulki hutsa, presentziaz betea) eta, aldi berean, datozen belaunaldientzat (seme-alabak, bilobak…) da. Nahiago genuke sari hau ez jaso (horrek esan nahi luke ez dutela inor erail eta ez duela inork erail), baina, gerraz betetako mundu honetan salbuespenik egin gabe, pertsona guztiak konprometitzen gaitu zeregin errealista batera: bakean emandako eta bakera zuzendutako pauso txikiak eta mugatuak imajinatzea eta horiek elkarrekin eraikitzea.”
Euskadin, Nafarroan, Israelen, Palestinan, Ipar Irlandan, Ukrainan, Belgikan, Frantzian, Italian eta Alemanian zuzeneko edo zeharkako indarkeria politikoa jasan duten biktimak biltzen ditu Topaketen Topaketa Errestauratiboen nazioarteko sareak (EofEs), baita haren batzordean parte hartu duten pertsonak, topaketa errestauratiboetako parte-hartzaile guztiak, bideratzaileak eta kaltetutako komunitateko ordezkariak ere; bereziki, belaunaldi gazteak. Sarea duela bi urte elkartu zen lehen aldiz, Kriminologiaren Euskal Institutuan, eta iaz bosgarren aldiz elkartu zen, Euskal Herriko Unibertsitateko hiru campusetan —online egindako bilera baten eta Italian egindako bi bileraren ondoren—. Testuinguru ezberdinak izanik, bakea lortzeko pausoak ematean hainbat herrialdek elkarrekin ikastea da ideia nagusia, indarkeriaren ondarearen aurrean ikuspegi berreraikitzailea izanik, are indarkeriak jarraitzen duenean ere.
Sariari buruz
Justizia Errestauratiboari buruzko Europako Foroaren (EFRJ) 10. urteurrenean jarri zuten martxan Justizia Errestauratiboaren Saria. Justizia errestauratiboaren garapenari egindako ekarpen garrantzitsuenak aitortzen eta saritzen ditu. Ekarpen horiek teorikoak, praktikoak, enpirikoak edo politikoak izan daitezke. Sariak pertsonei, taldeei edo erakundeei ematen zaizkie. Foro horren bi urtez behingo Nazioarteko Konferentzian egiten da sari banaketa. Erakundeko Zuzendaritza Batzordeak izendatzen ditu sarituak, kideek egindako proposamenetan oinarrituta.
Justizia Errestauratiboari buruzko Europako Foroa (EFRJ) nazioarteko erakundea da, eta justizia errestauratiboaren arloko kide aktiboak konektatzen ditu, hala nola profesionalak, akademikoak eta arduradun politikoak, Europa osokoak zein handik kanpokoak. Ikerketa, politika eta praktiken garapena sustatzen ditu, pertsona guztiek kalitatezko justizia errestauratiboko zerbitzuak eskuratu ahal izateko, edozein unetan eta edozein kasutan. Nagusiki, gai penaletako justizia errestauratiboaren aplikazioan zentratzen da, baina ez ditu albo batera uzten beste arlo batzuk ere, hala nola familiako, eskolako eta komunitateko bitartekaritza.
Informazio osagarria
Eskuratu informazio gehiago honako argitalpenean, “Justicia restaurativa intergeneracional” izenekoan: https://www.ehu.eus/eu/web/ivac/justizia-leheneratzailearen-teoria-eta-praktika-laborategia/argitalpenak.
Halaber, ikusi Covergencias erakusketa, Clair Aldington artista eskoziarrarena, UPV/EHUren Bilboko Esperientzia Gelen egoitzan. EofEs-eko kidea da Clair Aldington.
Kriminologiaren Euskal Institutua (KREI) 1976an eratu zuen Antonio Beristain Ipiña irakasleak, eta 1978an aitortu zuten formalki. Euskal Herriko Unibertsitatearen Unibertsitateko Ikerketa Institutu propioa da, fakultateartekoa eta sailartekoa. Une honetan Gema Varona da zuzendaria (https://www.ehu.eus/eu/web/ivac/).
24_0501 Oyón-Oion-en atxilotua ibilgailu bat nahita erretzeagatik Oyón-Oion-en atxilotua ibilgailu bat nahita erretzeagatik Servicio de…
24_0502 Ingresa en prisión el hombre detenido ayer en Vitoria-Gasteiz por intento de homicidio a…
Ertzaintzak 20 eta 25 urte bitarteko bost gizon atxilotu ditu azken orduetan, lesio-delitu bat egotzita,…
Foruen Pasealekua berritzen hasi da. Udalak gaur goizean iragarri du Barakaldoko kale nagusia oinezkoentzako kale…
Azken orduetan Donostian izan den sexu erasoaren aurrean Udalak honako hau adierazten du: 1.- Udalak…
Basque Trade & Investment-ek (BasqueTrade), SPRI Taldean sartuta dagoen euskal enpresak nazioartekotzeko agentziak, automobilgintzaren industriako…