Basque Trade & Investment (BasqueTrade), SPRI Taldean sartuta dagoen euskal enpresak nazioartekotzeko agentziak, topaketa bat antolatu zuen joan den asteartean, ekainaren 11n, Sydneyn, Australian. Bertan, hirian dauden sei euskal enpresatako ordezkariak bildu ziren.
Ainhoa Ondarzabal, Basque Trade & Investment-eko kontseilari delegatua izan zen ekitaldiaren buru, eta, hitzaldian, BasqueTradek Euskadiko enpresen nazioartekotzeari laguntzeko eskaintzen dituen jarduerak eta zerbitzuak aurkeztu zituen, bereziki Australiako merkatuan. Horrez gain, Australian gaur egun dauden proiektuak azaldu zituen, eta euskal erakundeak herrialde ozeanikoan kokatutako enpresei ematen dien euskarriaren berri eman zuen. Laguntza hori indartu egingo da aurten Australian Basque Trade bulego berri baten irekieraren ondorioz.
Ekitaldian, enpresek Australiako merkatuan sartzeko dituzten erronkak eta aukerak aztertu ziren. Zehazki, parte-hartzaileek merkatu honetako etorkizuneko aurreikuspenak aztertu zituzten, hazteko eta hedatzeko oztopoak eta aukerak identifikatuz, eta Australian barneratzeko eta sendotzeko estrategiak ezarriz.
Jardunaldiari amaiera emateko, bertaratutakoen artea networking saioak egin ziren, eta lotura eta aliantza komertzial berriak erraztu ziren, euskal enpresak Australiako merkatuan garatzeko eta hedatzeko.