Maiatzaren 30ean Spacegune 2024 jardunaldia egin zuten lehen aldiz Bizkaiko Teknologia Parkean. UPV/EHUko Fabrikazio Aeronautiko Aurreratuko Zentroak (CFAA) eta Heganek (EAEko aeronautika eta espazio sektoreko klusterra) antolatu zuten ekitaldia.
Lehenengo argitaratze data:
2024/06/10
Maiatzaren 30ean Spacegune 2024 jardunaldia egin zuten lehen aldiz Bizkaiko Teknologia Parkean. UPV/EHUko Fabrikazio Aeronautiko Aurreratuko Zentroak (CFAA) eta Heganek (EAEko aeronautika eta espazio sektoreko klusterra) antolatu zuten ekitaldia.
EAEko sektore aeroespazialeko eragile garrantzitsuenak biltzea izan zen topaketaren helburua, lankidetza eta ezagutza trukatzea sustatzeko. 90 pertsonak baino gehiagok parte hartu zuten ekitaldian. Jardunaldian zehar, 20 erakundek (enpresetako, unibertsitateetako eta ikerguneetako ordezkariak) haien gaitasunak, proiektuak, behar teknologikoak eta etorkizuneko aurreikuspenak azaldu zituzten.
UPV/EHUren Fabrikazio Aeronautiko Aurreratuko Zentroaren (CFAA) ordezkari gisa, Naiara Ortegak (zentro horretako ikertzailea da, eta Bilboko Ingeniaritza Eskolako Ingeniaritza Mekanikoa Saileko irakaslea) xeheki aurkeztu zituen UPV/EHUk arlo horretan dituen gaitasunak. Honakoak aipatu zituen: Ingeniaritza Eskolako Espazio Gelan egiten ari diren lana; antenetan eta egitura ultrarinetan metalaren fabrikazio aditiboa (3D-n) erabiltzeko aukera CFAA-n; tomografia bidezko ikuskapena (UPV/EHUren CFAA-n eta SGIKERen mikro-nano tomografo berriarekin); eta diseinu metalikorako eta elektronikorako gaitasunak.
Luis Norberto López de la Calle irakaslearen eta CFAAko zuzendariaren arabera: “Jardunaldia arrakastatsua izan da, eta bertaratuei aukera eman die lankidetza irekiko harremanak ezartzeko, ezagutza partekatzeko eta negozio aukerak aktibatzeko. Izan ere, une hau giltzarria da, espazioaren kudeaketa eredua aldatzen ari baita”.
“Europako BPGaren % 11 espazioari dagokiola esaten da: satelite eta behaketa bidezko nabigazio sistemak, esplorazio zientifikoa. Eta etorkizunean arlo horretan merkatu hobi berriak izango direla aurreikusten da. UPV/EHU dagoeneko ari da dituen gaitasunak erakusten. Adibidez, datorren Makina-Erreminta Biurtekoan Bisky Team taldea izango da; UPV/EHUko ikasleek funtzio garrantzitsua dute hor”, amaitu du López de la Callek.
Jardunaldia amaitzean, Fabrikazio Aeronautiko Aurreratuko Zentroaren instalazioak eta tailerra bisitatzeko aukera izan zuten bertaratuek.
Barakaldo Kirolak continúa mejorando los servicios que ofrece a los clubes deportivos a través de…
Udaltzaingoaren bi agentek txatar egitera eraman behar ziren 45 bizikleta konpondu dituzte eta Paiporta eta…
Psifiacos osasun mentalerako software berritzailearen garapenean espezializatutako enpresa teknologikoa da. Gaur egungo ikuspegia ANNi garapenean…
El Instituto Vasco de Consumo, Kontsumobide, consciente de que «la energía es un bien de…
Eider Mendoza, diputada general de Gipuzkoa, ha podido comprobar de primera mano el impacto positivo…
Las actuaciones se desarrollarán en el Conservatorio J.C. Arriaga, la Biblioteca de Bidebarrieta, el instituto…