• Bi motorreko helikoptero berria Iurretako polizia-basean dago dagoeneko, eta zaintza- eta segurtasun-lanetarako eta zaurituak edo desagertuak bilatzeko, erreskatatzeko eta eramateko erabiliko da
• Gainera, Gobernu Kontseiluak gaur eman du oniritzia bigarren aireontzi bat erosteko, eta 9 milioi euroko aurrekontua eta 18 hilabeteko fabrikazio-epea izango ditu
Servicio de prensa
2024-06-18
Josu Erkoreka lehenengo lehendakariorde eta Segurtasuneko sailburua, Ertzaintzako beste kargu publiko eta agintari batzuekin batera, horien artean Josu Bujanda Ertzaintzaren burua, Iurretako basean izan da gaur eguerdian, Ertzaintzaren Zaintza eta Erreskate Unitateak erabiltzeko helikoptero berriaren entrega-ekitaldian eta inaugurazio-hegaldian.
Aireontzia, H135 T3H/P3H modeloa, AIRBUS multinazional aeronautikoak fabrikatu du, eta ezkerreko aldean erreskate-garabi bat du instalatuta, bai eta finkatzeko eta maneiatzen duen pertsonari segurtasuna emateko elementuak ere. 5 pertsonentzako edukiera du: 2 pertsonarentzat hegaldi-kabinan eta beste 3 pertsonarentzat bidaiari-kabinan, eta bertan erreskatatutako zaurituak garraiatzeko ohatila batentzako lekua ere badago.
Aireontziak 9 milioi euroko kostua izan du, eta, aipatutakoaz gain, tresneria egokia du gaueko hegaldi bisualetarako, bai eta azken belaunaldiko grabazio-kamerak, lurreratzeko eta pertsonak bilatzeko argi-fokuak, TETRA komunikazio-irratia eta polizia-lanerako punta-puntako gainerako teknologia ere.
Helikoptero hori oinarrizko polizia-tresna da batez ere 2 lanetarako:
Bigarren helikopteroa
Ekitaldian, Josu Erkoreka lehenengo lehendakariorde eta Segurtasuneko sailburuak Ertzaintzari jakinarazi dio Jaurlaritzak bi motorreko bigarren helikoptero bat erosiko duela, era horretan Ertzaintzaren flota aeronautikoa erabat berritzeko.
Horretarako, gaur goizean egindako Gobernu Kontseiluak oniritzia eman du beste 9 milioi euro gastatzeko (6,75 milioi euro 2024rako eta beste 2,25 datorren urterako, 2025erako) Ertzaintzaren flota goitik behera modernizatzeko bigarren aireontzi hori erosteko.
Gastua baimendu ondoren, orain hasiko dira helikoptero berria kontratatzeko lanak. Aireontzia fabrikatzeko eta entregatzeko epea 18 hilabetekoa izango da, eta, nolanahi ere, 2025eko abenduaren 31 baino lehen amaitu beharko da.
Zaintza eta Erreskate Unitatea
Ertzaintzaren Zaintza eta Erreskate Unitatea emakume batek zuzentzen du aurtendik: Sandra Ranea komisarioak. 133 plaza ditu, eta hainbat diziplinatan kalifikazio- eta prestakuntza-maila handia izateagatik nabarmentzen dira, hala nola, tripulatutako aireontziak pilotatzen, tripulatu gabeko aireontziak maneiatzen, itsasertzeko patroi-lanetan, urpekaritzan, mendizaletasunean, alpinismoan, mekanikan eta abarretan. Zehazki, aeronautikaren atalean pilotaje-espezialitatea duten 16 plaza daude.
Atzo arratsaldean, ertzainek 27 urteko gazte bat atxilotu zuten Gipuzkoako hiriburuan, turista bati telefono mugikor…
24_0521 Detenida en Hernani por intento de homicidio tras agredir con un arma blanca a…
24_0520 Bi atxilotu Irunen, etxebizitza batean lapurtzeagatik Bi atxilotu Irunen, etxebizitza batean lapurtzeagatik Servicio de…
JAZ-Zubiaurre es una de las firmas centenarias y familiares que lejos de acomodarse en el…
Interesdunek Gazteriako webgunearen bidez izena eman dezakete irailaren 23tik aurrera Hemeretzigarren urtez jarraian, Donostia Gazteriak…
Udaltzaingoaren 175.urteurrena dela-eta antolatu da eta azaroaren 20 arte ikusi ahal izango da Okendo Kultur…