Ertzaintzak 33 urteko gizon bat atxilotu du Irunen, autoan 100 gramo anfetamina, doitasun-balantza bat eta 90 euro zeramatzala Frantziarako muga zeharkatzen saiatzen ari zenean. Gainera, positibo eman zuen substantzia sorgorgarriak detektatzeko testean, eta eginbideak ireki zizkioten bide-segurtasunaren aurkako delitu batengatik.
Joan den larunbatean, Irungo Behobia auzoan, Frantziarako muga inguruan prebentzio-lanetan ari zen eta kale-jantzian zihoan patruila batek mugimendu arraroak ikusi zituen inguruan zebilen ibilgailu batean, eta, hori dela eta, uniformedun patruila bat bertaratzeko eskatu zuen zegozkion egiaztapenak egiteko.
Uniformedun patruila iritsi zenean, ibilgailua gidatzen ari zen gizona Frantziarantz joaten saiatu zen, eta geldiarazi egin zuten, beraz. Gidariarekin hizketan hasi zirenean, agenteei iruditu zitzaien oso urduri zegoela, eta autoa miatzea erabaki zuten beraz. Autoaren atzeko aldean 100 gramo anfetamina aurkitu zituzten, bai eta doitasun-balantza bat eta 90 euro ere, 20 euroko lau billete eta 10 euroko bat. Horren aurrean, Ertzaintzak osasun publikoaren aurkako delitu bat leporatuta atxilotu zuen gizona.
Bestalde, gidariak positibo eman zuen anfetaminetan, kokainan eta kalamuan substantzia sorgorgarriak detektatzeko egin zioten listu-testean, eta bide-segurtasunaren aurkako delitu bat ere leporatu zioten, beraz, drogen eraginpean gidatzeagatik.
Droga-trafikoagatik hainbat aurrekari dituen atxilotua, 33 urtekoa, Irungo Ertzain-etxera eraman zuten eta, polizia-eginbideak amaitu ondoren, agintari judizialaren eskuetan jarri zuten.
Atzo arratsaldean, ertzainek 27 urteko gazte bat atxilotu zuten Gipuzkoako hiriburuan, turista bati telefono mugikor…
24_0521 Detenida en Hernani por intento de homicidio tras agredir con un arma blanca a…
24_0520 Bi atxilotu Irunen, etxebizitza batean lapurtzeagatik Bi atxilotu Irunen, etxebizitza batean lapurtzeagatik Servicio de…
JAZ-Zubiaurre es una de las firmas centenarias y familiares que lejos de acomodarse en el…
Interesdunek Gazteriako webgunearen bidez izena eman dezakete irailaren 23tik aurrera Hemeretzigarren urtez jarraian, Donostia Gazteriak…
Udaltzaingoaren 175.urteurrena dela-eta antolatu da eta azaroaren 20 arte ikusi ahal izango da Okendo Kultur…