Categorías: albisteak-berriak

SOS Deiak zerbitzuak koordinatu ditu Euskadiko larrialdietako taldeak Bilboko aireportuan egin den aireko istripu baten simulakroan

• Aenak antolatu duen ariketak konpainiaren Larrialdi Aeronautikoen Planean ezarritako jarduera- eta koordinazio-prozedurak ebaluatzeko balio izan du
• Planaren eraginkortasuna ebaluatzeko balio izateaz gainera, aireportuko larrialdi bati erantzuna ematean inplikatutako kolektiboen integrazio- eta ezagutza-maila egiaztatzeko ere balio izan du simulakroak

Euskadiko larrialdietako taldeek, SOS Deiak zerbitzuak koordinatuta, aireko istripu baten simulakroan parte hartu dute gaur Bilboko aireportuan. Aenak antolatu duen ariketak bi helburu izan ditu: erakundearen Larrialdietako Planean aurreikusitako jarduera- eta koordinazio-prozedurak ebaluatzea eta era horretako larrialdi bati erantzutean inplikatuta dauden kolektiboen integrazio- eta ezagutza-maila egiaztatzea.

Derion (Bizkaia) egin den simulakroan besteak beste, Eusko Jaurlaritzako Larrialdiei Aurre Egiteko Zuzendaritzako teknikariek, Ertzaintzak, Osakidetzako larrialdi-zerbitzuek, Auzitegi Medikuntzako Euskal Institutuak, suteak itzaltzeko Bizkaiko Foru Aldundiko taldeek, Gurutze Gorriak eta Derioko Udaltzaingoak parte hartu dute, eta arrazoi ezezagunengatik altuera galdu duen eta udalerri horretako institututik gertu lurra jo duen aireontzi batek izandako istripua simulatu dute.

Aireontziak lurra jo duenean sute bat sortu da (simulakroan ke-potoekin sortu da) eta aireontziaren erregaia isuri da. Istripuaren ondorioz, aireontzian zihoazen 10 bidaiarietatik 8k larritasun ezberdineko zauriak izan dituzte eta beste biak ezbeharrean hil dira.

Istripuan inplikatutako pertsonen senideak eta zauritu gabeko biktimak Senideen Aretora eta Zaurigabeen Aretora eraman dituzte eta bertan laguntza psikologikoa jaso dute.

Gogoan izan behar da Euskadik bere EAEko Larrialdi Aeronautikoen Plan Berezia duela, Babes Zibileko Kontseilu Nazionalak homologatuta duen ezaugarri horietako lehenengo plana. Plan hori joan den otsailaren 1ean onartu zuen Eusko Jaurlaritzak, eta “Euskadiko Babes Zibileko Planean (LABI) integratuta dago. Horren helburu nagusia da eskumenak dituzten administrazioek koordinatuta eta goitik behera kudeatzea Planean bertan deskribatutako larrialdi aeronautiko desberdinak.

Argazkiak Irekian: https://irekia.eus/seg/67M

albisteak

Compartir
Publicado por
albisteak

Entradas recientes

Tres personas heridas en una colisión múltiple entre 10 vehículos esta tarde en la N-1 a su paso por Andoain

El siniestro ha tenido lugar esta tarde cuando un total de diez vehículos se han…

6 horas hace

Urdulizen atxilotu dute herriko atari eta saltokietan kalteak egin ondoren

25_0031 Urdulizen atxilotu dute herriko atari eta saltokietan kalteak egin ondoren Aurretik alkoholdun edarien botilaz…

6 horas hace

La Comisión Europea autoriza el uso del término «txakoli» de Bizkaia

Recientemente la Comisión Europea ha autorizado el uso del término «txakoli» para hacer referencia al vino que elaboran…

9 horas hace

El Gobierno emite una declaración de impacto ambiental desfavorable a la construcción del parque eólico Itsaraz previsto en Eskoriatza y Aramaio

La Dirección General de Evaluación Ambiental del Ministerio de Transición Ecológica español ha emitido una…

9 horas hace

El Athletic dice adiós a la Copa

El entrenador del Athletic Club, Ernesto Valverde, ha lamentado la eliminación del Athletic en los…

12 horas hace