Categorías: albisteak-berriak

Net-Zero Basque Industrial Super Clusterrek All4Zero eta Alianza Q-Cero aliatuek deskarbonizazioarekin lotuta egindako aurrerapenetan hartu du parte

Ekainaren 20an, ostegunean, SPRIk All4Zerok Repsol Technology Center-en antolatutako Tech Solutions Day ekimenean parte hartzeko aukera izan zuen. Bertan, industriaren deskarbonizazioa lortzen laguntzeko asmoz abian jarritako 5 erronkei erantzuna emateko hautatutako 12 soluzio teknologikoak ezagutarazi zituzten. Repsolek, ArcelotMittalek, Holcimek eta Iberiak osatutako berrikuntza teknologiko industrialeko hub honek deialdi honen bidez erantzuna eman nahi zieten bost erronka komun identifikatu zituzten. Erronkak honako hauek lotutakoak ziren: karbonoa jasotzea, baliabide hidrikoak, hidrogeno berdea, SAF erregaiak eta CO2-aren mineralizazioa, eta hondakinen kudeaketa.

Deialdiak 186 proposamen bildu zituen (horien artean, nazioartetik iritsitako 60). Bestalde, euskal agenteek egindako 17 proposamen bildu ziren. Ondorioz, jasotako proposamen guztietatik % 9 izan ziren Euskaditik iritsitakoak eta teknologia-zentroek, ETE-ek eta startupek bidalitakoak izan ziren.

Bazkideen talde teknikoek ebaluazioa egin ostean, erronkei erantzuteko 12 soluzio teknologiko aukeratu dituzte eta horien artean daude Euskadiko parte-hartzea duten 3 soluzio (karbonoa jasotzeko Tecnaliaren soluzioa, SAF erregaietarako Aimplasen soluzioa eta CO2-ren mineralizazio-erronkarako SBS Thermal en soluzioa). Hurrengo hilabeteotan, enpresekin lan egiteko asmoa dugu, bazkideen premiei beharren araberako soluzioak zehazteko eta 2025ean zehar emaitzak lortzea ahalbidetuko duen lan-plan zehatza definitzeko.

Bestalde, Espainia mailan industrian eta eraikinetan energia termikoaren eskariarekin lotutako deskarbonizazioa bizkortzeko asmoz Iberdrolak abian jarritako Alianza Q-Cero ekimenak ere aurrera egin du azken hilabeteotan bere egitura indartzen. Horretarako, parte-hartzaile berriak gehitu eta lanean hasi ahal izateko hainbat lantalde prestatu ditu arretagunea politiketan, erabilera-kasuetan eta elikadura-industrian jarrita. Bestalde, “Q-Cero Gosariak” ekimena jarri du abian. Bertan, aldizkakotasunez, saio monografikoak antolatzen ditu, eta horiek energia termikoaren eskaintzaren eta eskariaren arloan lantzen ari diren erronka nagusiak eztabaidatzeko eta soluzioak erakusteko baliagarriak diren topagune bihurtu dira.

Zehatzago esanda, asteartean, ekainaren 25ean, Cristina Oyónek, SPRIko Teknologia, Berrikuntza eta Jasangarritasun arloko zuzendariak, deskarbonizaziorako palanka gisa berrikuntzara eta garapen teknologikora zuzendutako Q-Cero gosarian bitartekaritza-lanak egin zituen. Net-Zero Basque Industrial Super Cluster izenekoa abian jartzen SPRIk metatutako esperientziatik abiatuta, Cristinak Garapen Teknologikorako eta Berrikuntzarako Zentroko (CDTI) zuzendariarekin, José Moisés Martínekin, eztabaidatzeko aukera izan zuen hainbat gairen inguruan: Europako Batasuneko Net Zero Industry Actek eskaeratik abiatuta garapen teknologikoa bultzatzeko planteatzen dituen aukerak eta deskarbonizazio arloko aurrerapenerako soluzioen eskariaren eta eskaintza teknologikoaren arteko elkarlanaren garrantzia. Elkarrizketaren bigarren zatian, Cristinak mahai-ingurua moderatu zuen eta, bertan, Jorge Fabregatek (Porcelanosako Kalitate eta Ingurumen arloko arduraduna) bere produkzio-prozesua deskarbonizatzeko garaian Porcelanosaren moduko enpresa batek aurre egin beharreko erronka teknikoen eta finantzarioen berri eman zuen (izan ere, 1.200 inguruko tenperaturatan egindako egosketako prozesu kritikoa da bere lanaren ezaugarrietako bat). Mahai-inguruan parte hartu zuten beste batzuk izan ziren Lidia Roca Canales (Magnon-Ence Servicios Energéticoseko CEOa) eta Nicolás Martínez (New Heateko Business Development Manager Iberia). Mahai-inguruan landutako gai nagusiak era horretako produkzio-beharrei erantzuna emateko erabilgarri dauden soluzio teknikoak izan ziren eta, horien artean, hauek biak azpimarratu behar dira: teknologien hibridazioa eta baliabideen plangintza.

Bi erronka horiek lotuta daude Net-Zero Basque Industrial Super Clúster klusterrarekin. Euskadiko industrian isuri garbietarako trantsizioa bizkortzea da haren helburua, industria arloan kontsumo eta eraginkortasun energetikoaren deskarbonizazioa bultzatuz eta, aldi berean, garapen teknologikoan eta berrikuntzan oinarritutako merkatu-aukerak sortuz.

Ekimena Eusko Jaurlaritzako Industria, Trantsizio eta Jasangarritasun Sailak bultzatu du SPRIren (Enpresen Garapenerako Euskal Agentzia) bidez eta Euskadiko bi energia-enpresa nagusiek hartu dute bertan parte: Iberdrolak eta Petronor Repsolek. Gainera, negutegi-efektuko gasen isuri handienak dituzten Euskadiko industriak biltzen dituzten kluster industrialen (Aclima, Siderex, AFV, paperaren klusterra) eta deskarbonizaziorako konponbideak eskain ditzaketen balio-katea ordezkatzen duen Energia Klusterraren babesa jaso du.

Net-Zero Basque Industrial Super Cluster ekimenarekin lotutako aurrerapen nagusiak dokumentu honetan daude ikusgai.

albisteak

Compartir
Publicado por
albisteak

Entradas recientes

Espetxera bidali dituzte Barakaldoko hilketarekin lotuta atxilotutako lagunetatik bost

24_0540 Espetxera bidali dituzte Barakaldoko hilketarekin lotuta atxilotutako lagunetatik bost Espetxera bidali dituzte Barakaldoko hilketarekin…

3 horas hace

Bilbo, gizon bat atxilotu dute adineko emakume bati indarkeriaz egindako lapurreta bat ikertu ondoren

24_0539 Bilbo, gizon bat atxilotu dute adineko emakume bati indarkeriaz egindako lapurreta bat ikertu ondoren…

9 horas hace

B-WOMENIN Globalen 3. saioak kultura aniztasunak nazioarteko karreretanduen eragin eraldatzailea nabarmendu du

B-WOMENIN Global Meeting & Expanding 2024 programak, Basque Trade & Investment-ek (BasqueTrade), SPRI Taldeko euskal…

9 horas hace

ON2YOUk kontsumoa eta energia-kostuak murrizteko irtenbide pertsonalizatuak proposatzen ditu

Eraginkortasun energetikoa “lehentasuna” da enpresentzat aspaldidanik. 2012an, sektorean bost urteko esperientzia izan ostean autonomo gisa,…

9 horas hace

Deep Sea Monk, DeBuk, Edgar Allan Pop eta Erromintxelak, Hiriko Soinuak lehiaketaren seigarren edizioko irabazleak

Lau taldeak Derby Motoreta’s Burrito Kachimba, Lagartija Nick, Ana Curra eta The Bo Derek’s taldeekin…

9 horas hace

Barakaldoko Munoa finkako antzinako kotxetegien eraikina birgaitzeko lanak hasi dira

Barakaldok Munoa finkako kotxetegien eraikina birgaitzeko lanak hasi ditu. Iaz, Udalak 2,2 milioi euroko dirulaguntza…

9 horas hace