Gobernu Kontseiluak gaurko bilkuran onartu du, Zientzia, Unibertsitateak eta Berrikuntza sailburuak proposatuta, 2024-2025 ikasturtean unibertsitateko eta goi-mailako ikasketak egiteko beketarako deia egiten duen agindua. Deialdi honetan, mugitzeko zailtasun bereziak dituzten ikasleen garraio-gastuak ordaintzeko dirulaguntzak ere jasotzen dira. Orotara, Zientzia, Unibertsitateak eta Berrikuntza Sailak 28.560.000 euro bideratzen ditu unibertsitate-beketarako, aipaturiko bi laguntza-lerro horietan.
Deialdi honetara zuzendutako aurrekontua, dena den, handitu egin ahal izango da, beharrezkoa balitz. Era honetan, Zientzia, Unibertsitateak eta Berrikuntza Sailak bermatzen du baldintzak betetzen dituzten ikasle guztiek laguntza jasoko dutela, ezarritako kopuruetan, aurkeztutako eskabideen kopurua eta eskatzaile onuradunen kopurua edozein izanik ere.
2024-2025 ikasturterako deialdi honetan, Zientzia, Unibertsitateak eta Berrikuntza Sailak beken izapidetzea arintzeko helburua berresten du, beka eskaera guztiek ikasturteko lehen hiruhilekoan erantzuna jaso dezaten (baiezkoa ala ezezkoa) eta, era horretan, ikasleek urtea amaitu baino lehen kobratu ahal izan dezaten laguntza, erantzuna baiezkoa bada. Horrela, beka jasotzeko eskubidea duten ikasleek ahalik eta lasterren izango dute eskura dagokien laguntza.
Laguntzak eskatzeko epea 2024ko uztailaren 18tik irailaren 16ra bitartean izango da zabalik. Beken ebazpena eskaeren hurrenkera jarraituz egingo da. Eskabideak ahalik eta goizen betetzea sustatu nahi da, era horretan lehenago ebatzi ahal izango baitira bekak. Izapide guztiak, eskabidea barne, elektronikoak izango dira.
1.- 2024-2025 ikasturtean unibertsitateko eta goi-mailako ikasketak egiteko bekak: 28.460.000 euro.
Beken deialdi hau Euskal Autonomia Erkidegoan administrazio-egoitza duten ikasleentzat da, 2024-2025 ikasturtean Euskadin edo Estatuko gainontzeko tokietan kokatuta dagoen edozein zentrotan ondorengo ikasketak egin behar badituzte:
Beka-deialdi berri honetan, iazkoan bezala, ez dira diru-sarreratzat hartuko unibertsitate-prestakuntza duala edo lanbide heziketa duala egin izanagatik ikasleek jasotako zenbatekoak. Era berean, STEM graduetan (Zientzia, Teknologia, Ingeniaritza eta Matematika) aurreko ikasturtean eskatutako errendimendu akademikoan hobari bat aplikatzen jarraituko da, eta ikasketa erdipresentzialak egiten dituzten ikasleek egoitzagatik beka jaso ahal izango dute, aurrez aurreko gutxieneko eskola kopuru bat badute. Deialdi berrian, gainera, egoitzari lotutako oinarrizko diru-kopurua 150 edo 200 euroan handitu da, bizikidetza- edo familia-unitatearen errenta-mugen arabera.
2023-2024 ikasturte honetan, 9.587 euskal ikaslek eskuratu dute unibertsitateko beka orokorra, bere osagaietako batean edo zenbaitetan, hala nola:
2.- Beren ezaugarri fisikoak edo psikikoak direla-eta, mugitzeko zailtasun bereziak dituzten ikasleen garraio-gastuak ordaintzeko dirulaguntzak: 100.000 euroko diru-kopurua.
Dirulaguntza hauek ematen dira mugitzeko zailtasun bereziak dituzten ikasleek euren ikasketa-zentrora iristeko garraiobide publikoak, egokituak izanik ere, ezin badituzte erabili; edo garraiobide publikoak erabili ahal izan arren, beste pertsona baten laguntza behar badute.
24_0539 Bilbo, gizon bat atxilotu dute adineko emakume bati indarkeriaz egindako lapurreta bat ikertu ondoren…
B-WOMENIN Global Meeting & Expanding 2024 programak, Basque Trade & Investment-ek (BasqueTrade), SPRI Taldeko euskal…
Eraginkortasun energetikoa “lehentasuna” da enpresentzat aspaldidanik. 2012an, sektorean bost urteko esperientzia izan ostean autonomo gisa,…
Lau taldeak Derby Motoreta’s Burrito Kachimba, Lagartija Nick, Ana Curra eta The Bo Derek’s taldeekin…
Barakaldok Munoa finkako kotxetegien eraikina birgaitzeko lanak hasi ditu. Iaz, Udalak 2,2 milioi euroko dirulaguntza…
Euskal Herriko Unibertsitateko (UPV/EHU) Uda Ikastaroen 43. edizioak oso balantze positiboarekin itxi du bere zikloa,…