Javier Hurtado Turismo, Merkataritza eta Kontsumoko sailburuak bilera izan du Amparo López Senovilla Merkataritzako estatu-idazkariarekin, orain arte egindako lana eta etorkizuneko proiektuak aztertzeko. Topaketa horrekin itxi du sailburuak XIII. Legegintzaldiari hasiera emanez gaur hiru ministerioekin (Eskubide Sozial, Kontsumo eta Agenda 2030 Ministerioa, Industria eta Turismo Ministerioa eta Ekonomia, Merkataritza eta Enpresa Ministerioa) egindako bilera-sorta.
Sailburuak autonomia-erkidegoen bidez Ministerioak hedatu dituen eta azken 3 urte hauetan Euskadiko merkataritza-sektorean 22,5 milioitik gora suposatu duten Suspertze, Eraldatze eta Erresilientzia Planeko Europako Funtsen garrantzia ebaluatu du estatu-idazkariarekin. Horietatik 18,4 milioi merkatu jasangarriak, landa-eremuak eta joan-etorri turistikoko merkataritza guneak modernizatzearekin erlazionatutako udalerrietako proiektuetara bideratu dira, eta 4 milioi inguru merkataritza-enpresetara, Funts Teknologikoa izenekoaren barruan.
Gainera, aurreko legegintzaldian, Euskadik Barne Merkataritzako Sari Nazionalen azken edizioa hartu zuen Zumarragan, udal saritua izanik, eta bertan nabarmendu zen euskal saridunak hiru sari-kategorietatik bitan zeudela, eta horrek agerian uzten zuela, sailburuaren hitzetan, “euskal merkataritzaren lehiakortasuna eta sendotasuna, bai eta sektorearen, elkarteen eta udalerrien etengabeko lana ere, berrikuntza eta dinamizazioa bultzatzeko. Merkataritzak eraldaketa bati egin behar dio aurre kontsumo-ohitura berriekin, digitalizazioarekin eta hiri-ekonomian duen rol sozial berriarekin, eta bide horretan laguntzen jarraituko dugu”.
Bileran, merkataritzaren etorkizuneko erronka horiek ere jorratu dira, eta horietarako funtsezkoak izango dira digitalizazioaren, jasangarritasunaren eta ekintzailetzaren arloko ETE-entzako laguntzak, horiek baitira merkataritza sendo, lehiakor eta jasangarria sustatzeko ardatz estrategikoak. Horretarako, sailburuak eta estatu-idazkariak laguntza eta programa horiek garatzen koordinatuta jarduteko konpromisoa erakutsi dute.
Ertzaintzako agenteek bi gizon atxilotu dituzte iruzurrez gizarte-laguntzetan 300.000 euro inguru jaso ostean. Euskal Enplegu…
Atzo eguerdian, Ertzaintzako agenteek 32 urteko gizon bat atxilotu zuten, segurtasun-enpresa bateko dirua biltzeko furgoneta…
Iraila iristearekin batera, Barakaldoko Udalaren gazte-aisialdirako plataformak bere jarduerari ekingo dio berriro egunotan. Horretarako, zerbitzu…
Programa 16 eta 29 urte bitarteko pertsonei zuzenduta dago, eta Lanbide-Euskal Enplegu Zerbitzuak Berreskurapen, Eraldaketa…
Barakaldoko Udaleko Garapen Jasangarriaren eta Ingurune Naturalaren Arloak «Metrominuto» bultzatu du. Mapa sinoptiko bat da,…
Zarauzko Udal Euskaltegiak 2024-2025 ikasturteari hasiera eman dio. Aurtengoa, euskaltegiaren 42. ikasturtea izango da eta,…