24_0394 Mundaka, etxebizitza batean lapurretan harrapatu dute
Mundaka, etxebizitza batean lapurretan harrapatu dute
Servicio de prensa
2024-07-10
Ertzainek 47 urteko gizon bat atxilotu dute, Mundakako bizitza bakarreko etxe batean indarra erabiliz lapurreta egitea leporatuta. Atxilotuak eskailera bat erabili zuen leiho batera igo eta, kristalak hautsi ondoren, barrura sartzeko.
Atzo, asteartea, goizeko zazpi eta erdiak aldera, Ertzaintzari jakinarazi zioten Mundakako etxebizitza bateko segurtasun-alarma aktibatu zela. Herritarrak babesteko lanetan ari zen patruila bat bertaratu zen, eta bigarren solairuko leiho bat zabalik zegoela eta leihoko kristalak hautsita zeudela ikusi ahal izan zuen. Polizia-dotazioa ohartu zen etxe barruan pertsonaren baten mugimenduak eta zaratak entzuten zirela. Azkenean, emandako aginduen ondorioz, gizon bat irten zen etxetik, eta identifikatu egin zuten.
Zegozkion frogaketak egin ondoren eta etxean sartzeko leihora igotzeko eskailera bat erabili zuela egiaztatu ostean, indarra erabiliz lapurreta egitea leporatuta atxilotu zuten gizona.
Atxilotua atzo bertan jarri zuten agintari judizialaren eskuetan.