Ertzaintzak 21 urteko gizon bat atxilotu du Ortuellan izandako indarkeriazko lapurreta batean eta heriotza-mehatxu larrien bidezko lapurreta batean parte hartzeagatik.
Hilaren 5ean, bi pertsonak salaketak aurkeztu zituzten Ertzaintzan, goizaldean Ortuellan lapurreta jasan ostean. Horietako kasu batean, hiru gizon gazte bati eraso egin zioten telefono mugikor bat eta motxila batean zituen beste gai batzuk lapurtzeko. Biktimak osasun-laguntza behar izan zuen eragindako lesioak artatzeko.
Goizalde horretan bertan, beste bi gizonek heriotza-mehatxuak egin zizkioten gazte bati, bere jabetzako hainbat gauzaz jabetzeko.
Gauzak horrela, Muskizko ertzain-etxeak dagozkion ikerketak hasi zituen, horiek argitzeko eta egileak identifikatzeko. Egiaztatu ahal izan zutenez, gizon berak parte hartu zuen bi delituetan.
Atzo, osteguna, goizean, inplikatua bilatzeko operatibo bat ezarri zen, eta Ortuellan abandonatutako industria-higiezinen eremu batean aurkitu zuten. Gizona atxilotu egin zuten, aipatutako delituekin zerikusia zuelakoan.
Ertzaintzak polizia-ikerketak egiten jarraitzen du, inplikatuak antzeko beste kasu batzuetan zerikusia duelakoan.
Atxilotuak aurrekariak ditu, eta epailearen esku utzi dute gaur, ostirala.