24_0400 Zeanuri, bizitza bakarreko etxe bateko leihoko kristala mailu batekin hautsi du barruan lapurreta egiteko
Servicio de prensa
2024-07-12
Ertzainek 38 urteko gizon bat atxilotu dute, Zeanuriko etxe batean lapurretan harrapatu ondoren. Atxilotuak, antza denez, mailu batekin hautsi zuen leiho baten kristala etxean sartzeko.
Atzo, osteguna, arratsaldeko hiru eta erdiak aldera, Ertzaintzari jakitera eman zioten Zeanuriko udal-barrutiko bizitza bateko etxean segurtasun-alarma aktibatu zela.
Bertaratu ziren herritarren babeserako patruilek ikusi zuten leiho baten kristala hautsita zegoela, eta etxea miatzea erabaki zuten, beraz. Etxe barruko gela batzuk hankaz gora zeuden, eta ganbaran gizon bat aurkitu zuten txoko batean makurtuta eta ezkutatuta. Gizonak bi motxila zituen ondoan. Horietako batean ustezko lapurraren gauza pertsonalak zeuden eta bestean, besteak beste, lau erloju, eraztun bat, bi oinetako pare eta ardo-botila bat. Gainera, mailu bat ere konfiskatu zioten.
Zegozkion frogaketak egin ondoren eta bigarren motxilan aurkitutako materiala etxean bizi ziren pertsonena zela egiaztatu ostean, indarra erabiliz lapurreta egiteagatik atxilotu zuten.
Polizia-izapideak amaitu ondoren, polizia-aurrekariak dituen inplikatua epaitegira eraman dute.
25_0022 Zegama, Euskadiko Larrialdi Zerbitzuek mendizale bat erreskatatu dute Otzaurte inguruan Zegama, Euskadiko Larrialdi Zerbitzuek…
25_0021 Zerbitzuz kanpo zegoen ertzain bat atxilotu dute Bilbon, identifikatzeari uko egiteagatik eta lankideei erasotzeagatik…
Ertzaintzako agenteek 34 urteko gizon bat atxilotu dute bart osasun publikoaren aurkako delitu bat egotzita.…
25_0019 Gaur goizaldean Barakaldon seigarren solairutik erori den gizon baten heriotza ikertzen ari da Ertzaintza…
Barakaldo Kirolak continúa mejorando los servicios que ofrece a los clubes deportivos a través de…
Udaltzaingoaren bi agentek txatar egitera eraman behar ziren 45 bizikleta konpondu dituzte eta Paiporta eta…