24_0410 Santurtzin gertatutako sexu-erasoaren ustezko bi egileak atxilotu dituzte
Santurtzin gertatutako sexu-erasoaren ustezko bi egileak atxilotu dituzte
Servicio de prensa
2024-07-17
Ertzaintzak 19 eta 21 urteko bi gizon atxilotu zituen atzo Barakaldon eta Muskizen, joan den igandean Santurtzin emakume bati sexu-erasoa egitea leporatuta.
Igande gauean, emakume bat Gurutzetako Unibertsitate Ospitaleko larrialdietako zerbitzura joan zen, goizaldean bertan Santurtzin sexu-eraso bat jasan zuela esanez.
Une horretan sexu-erasoen protokoloa aktibatu zen, eta Ertzaintzaren agenteak bertaratu ziren ospitalera, biktimari lagun egitera eta arreta ematera.
Salaketa jarri ondoren Ertzaintzako agenteek hasi zuten ikerketari esker, ustezko egileak identifikatu eta atzo egunean zehar Barakaldon eta Muskizen atxilotu zituzten, biei sexu-erasoaren delitua egotzita.
Atxilotuak polizia-egoitzara eraman zituzten, eta espero da, beharrezko eginbideak amaitu ondoren, agintari judizialaren eskuetan jarriko dituztela.