Ertzaintzaren Lehergailuak Indargabetzeko Unitateak (LIU) Ibarrangeluko (Bizkaia) Laga hondartzan aurkitutako Gerra Zibilaren garaiko obus bat indargabetu du gaur, ostirala. Morterozko jaurtigai bat zen, 4 kg-ko pisua eta 38 cm-ko luzera zuena.
Gertakariak gaur, ostirala, arratsaldeko ordu bata eta erdiak aldera izan dira, Ibarrangeluko (Bizkaia) Lagako Itsaso hondartzan. Ordu horretan, herritar batek Sos Deiak 112 Larrialdietako Koordinazio Zerbitzuari jakinarazi dio obus bat agertu dela, hondarretan erdi lurperatuta eta hondartzaren mendebaldean.
Hasiera batean, Gurutze Gorriko kideek eta hondartza horretako sorosleek ingurua hesitu dute, Gernikako ertzain-etxera atxikitako lehen patruilak iritsi arte. Agenteek egiaztatu dute lehertu gabeko artilleriako jaurtigai bat zela eta hondarretan erdi lurperatuta zegoela. Une horretatik aurrera, segurtasun-dispositiboa aktibatu da eremua hesituz.
Jarraian, Ertzaintzaren Lehergailuen Unitateko (LIU) espezialista-talde bat bertaratu da, eta jaurtigaia eremu seguruago batera eraman ondoren, desaktibatu egin du, leherketa kontrolatu baten bidez.
LIUko espezialisten arabera, 81 mm-ko kalibreko morterozko jaurtigai bat zen, 38 cm-ko luzera eta 4 kg-ko pisua zuena. Jaurtigaiak karga leherkor bat zuen eta espoleta bat.
Ertzaintzako LIUk parte hartu du dispositiboan, Gernikako ertzain-etxeko patruilen laguntzarekin.
15:30ak baino minutu batzuk lehenago, dispositibo guztia altxatu eta normaltasuna berreskuratu dute.
Maria Chivite Navascues Nafarroako Lehendakariak Altzuzako Jorge Oteiza Fundazio Museoa bisitatu du gaur goizean. Bertan,…
Mikel Irujo Nafarroako Gobernuko Industriako eta Enpresen Trantsizio Ekologiko eta Digitalerako kontseilariak MONDRAGON Korporazioaren proiektua bisitatu du…
Haur eta Lehen Hezkuntzako Nafarroako hamabost ikastetxe egokitu dira Laguntza programara, eskola-jazarpena eta -ziberjazarpena, indarkeria…
Nafarroako Gobernuak bat egingo du datorren asteburuan Bakearen Nazioarteko Egunarekin, Ekialde Hurbileko Palestinar Iheslarientzako Nazio…
Gorroto-diskurtsoei aurre egiteko prestakuntza, Etxebizitzako, Gazteriako eta Migrazio Politiketako Departamentuak Nafarroako Gazteriaren Institutuaren bidez sustatua,…
Kultura, Kirol eta Turismoko kontseilari Rebeca Esnaolak gaur aurkeztu du irailaren 27tik urriaren 6ra bitartean…