Atearen Txokoa Urnietan (Gipuzkoa) kokatutako enpresa bat da, eta mota guztietako zurezko ateak (bigunak, korazatuak, tolesgarriak, irristailuak…) fabrikatzen, dekorazioan aholkatzen eta instalatzen ditu. Konpainiak obra eta eraberritze lanetan dihardu. Izan ere, pandemiaz geroztik bere lana asko handitu da erreformen sektorean.
Konpainiak bere prozesuak berritu nahi ditu sektorean hazteko, eta horretarako SPRI Taldearen laguntza jaso du Hazinnova programaren bidez. Azken edizio honetan, Atearen Txokoak bi proiektu gauzatu ditu. Horietako bat enpresaren finantza-esparruan zentratu da, eta barne kontrol-sistema modernizatu du, balantzeak, kostuak eta gainerako informazio garrantzitsua momentuan ezagutu ahal izateko.
Bestalde, Urnietako konpainiak bere eskaintza handitu nahi du akaberak gehituz, eta, horregatik, funtzionamendua berrantolatu du bere egoitzan. “Enpresaren eta bere biltegiaren egiturazko kontzeptua aldatu behar izan dugu, enpresako barne prozesu guztiak optimizatuz. Modernizatzen jarraitu nahi dugu, eta Hazinnova abiapuntu bat izan da horretarako”, dio Joxe Maria Maiz Atearen Txokoko gerenteak.
Instalazioak eguneratzeko prozesu horretan, lakatze-prozesua txertatu ahal izan du. Lehen, ETEak kanporatuta zeukan zerbitzu hori, eta horrek produktuaren kalitatea galtzeko edo epeak ez betetzeko arriskua dakar. “Lakatze-prozesurako behar ditugun produktu-motak aztertu eta sailkatu ditugu. Eta, gainera, gure beharrak identifikatzea lortu dugu, materialen erosketari, ekoizpenari eta salmentetarako biltegiratzeari dagokienez”, azaldu du Joxe Maria Maizek.
ETEa, modernizazio-prozesuaren barruan, digitalizazioaren aldeko apustua egiten ari da, makinetan inbertituz, baliabideak eta negozio-aukerak arintzeko. Aurrera begira, Atearen Txokoak beste sektore batzuekin elkarlana bultzatu nahi du aurrera egiten jarraitzeko, ekoizpen dinamikoagoa lortzeko helburuarekin.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
24_0543 Gernikako pub bateko atean nahita piztutako suteagatik atxilotuetako bat espetxeratu dute Gernikako pub bateko…
Ertzainek 19 urteko gazte bat atxilotu dute Santurtzin, irailean zehar herrian adineko emakumeei urrezko kateak…
Ertzainek 25 urtetik 42 urtera bitarteko lau gizon atxilotu dituzte Gernika-Lumon, joan den larunbat goizean,…
Beasaingo lantegiko instalazioetara egindako bisitan, Mikel Jauregi sailburuak trenbidea aldarrikatu du garraioaren deskarbonizazioan funtsezko eragile…
Observatorio Vasco del Emprendimiento – Euskal Ekintzailetzaren Behatokiak, EEB-OVEk, Euskal Autonomia Erkidegoko (EAE) Global Entrepreneurship…
Bilboko Areatzako kaiak eta Bilboko Ingeniaritza Eskolaren Portugaleteko eraikinak (Nautika – Itsagunea) Zientzia izan zuten…