Jaurlaritzaren Kontseiluak Amaia Barredo Elikadura, Landa Garapen, Nekazaritza eta Arrantzako sailburuaren agindua onartu du. Agindu horren bidez, erlezaintzarako laguntzak arautzeko oinarriak onartu dira, 2023ko abuztuaren 1etik 2024ko uztailaren 31ra bitartean, Euskal Autonomia Erkidegoan, 2023-2027ko Nekazaritza Politika Bateratuaren Plan Estrategikoaren esparruan. 2024 urterako, Nekazaritza Bermatzeko Europako Funtsaren kontura, 92.054,07 euro izango dira gehienez.
Europako erakundeek erlezaintza-sektorean egin daitezkeen esku-hartze motak eta esku-hartze horretarako Europar Batasunaren finantza-laguntza ezartzen dituzte, erle-produktuen ekoizpen- eta merkaturatze-baldintza orokorrak hobetzeko erle-programak egiteko, 2023tik 2027ra bitarteko aldirako Nekazaritza Politika Bateratuaren (NPB) Plan Estrategikoen esparruan.
Esku-hartze horien bidez hainbat helburu orokor lortu nahi dira, hala nola epe luzera elikagaien segurtasuna bermatuko duen nekazaritza-sektore adimentsua, lehiakorra, erresilientea eta dibertsifikatua sustatzea; ingurumenaren babesa babestea eta indartzea, biodibertsitatea eta klimaren aldeko ekintza barne, eta Batasunaren ingurumen- eta klima-helburuak lortzen laguntzea, besteak beste, Parisko Akordioan hartutako konpromisoak eta landa-eremuetako sare sozioekonomikoa indartzea.
Diruz lagundu daitezkeen jardueren helburua erlezaintzako produktuen ekoizpena eta merkaturatzea hobetzea da, Euskal Lurralde Historikoen lurralde-eremuan.
24_0543 Gernikako pub bateko atean nahita piztutako suteagatik atxilotuetako bat espetxeratu dute Gernikako pub bateko…
Ertzainek 19 urteko gazte bat atxilotu dute Santurtzin, irailean zehar herrian adineko emakumeei urrezko kateak…
Ertzainek 25 urtetik 42 urtera bitarteko lau gizon atxilotu dituzte Gernika-Lumon, joan den larunbat goizean,…
Beasaingo lantegiko instalazioetara egindako bisitan, Mikel Jauregi sailburuak trenbidea aldarrikatu du garraioaren deskarbonizazioan funtsezko eragile…
Observatorio Vasco del Emprendimiento – Euskal Ekintzailetzaren Behatokiak, EEB-OVEk, Euskal Autonomia Erkidegoko (EAE) Global Entrepreneurship…
Bilboko Areatzako kaiak eta Bilboko Ingeniaritza Eskolaren Portugaleteko eraikinak (Nautika – Itsagunea) Zientzia izan zuten…