Elorrio, atxilotuak enpresa batean lapurtzen saiatzeagatik

Ertzaintzako agenteek 34 eta 49 urteko bi gizon atxilotu zituzten atzo, larunbata, arratsaldean Elorrion, enpresa batean lapurtzen saiatzen harrapatu ondoren. Atxilotuetako bat ibilgailu batean ihes egiten saiatu zen, ihesean istripua izan zuelarik.

Atzo, arratsaldeko bost eta erdiak pasata, Ertzaintzari jakinarazi zioten Elorrioko enpresa baten bidegabeko sartze-alarma aktibatu zela, eta berehala bertaratu zen polizia-patruila bat. Patruila sarbideak ikuskatzera iritsi zen, eta une horretan alde egiten ari zen oertsona bat ikusi zuen. Susmagarria identifikatu eta bertan egotearen arrazoiari buruz galdetu zioten, eta ez zuen inolako azalpen logikorik eman. Hori dela eta, azkenean atxilotu egin zuten, indarra erabiliz lapurreta egitea egotzita.

Aldi berean, beharrezko egiaztapenak egiten ari zirela, ertzainek ibilgailu bat ikusi zuten handik alde egiten eta geldiarazten saiatu ziren. Gidariak ez zien jaramonik egin egindako jarraibideei, eta ihes egin zuen. Lekura zihoan beste patruila batek ihes egindako autoa aurkitu ahal izan zuen handik gertu, eta atzetik segika ibili ondoren, N-636 errepidean, parez pare talka egin zuen kisketen aurka, eta ibilgailua geldiarazi ahal izan zuten. Autoaren barruan enpresako materiala aurkitu zuten, eta, egoera horren aurrean, gidaria ere atxilotu zegin uten.

Atxilotuek polizia-aurrekari ugari dituzte, eta, ondoren, ertzain-etxera eraman zituzten, beharrezko eginbideak egiteko eta, ondoren, epailearen esku jartzeko.