24_0467 Gizon bat atxilotu dute Donostian emakume bati sexu-erasoa egiteagatik
Gizon bat atxilotu dute Donostian emakume bati sexu-erasoa egiteagatik
Prentsa Zerbitzua
2024-08-19
Ertzaintzako agenteek gizon bat atxilotu zuten atzo Donostiako erdiguneko diskoteka baten inguruan emakume bati sexu-erasoa egitea egotzita. Handik gutxira, patruila batek susmagarria aurkitu zuen, eta hark ere diru-zorroa lapurtu zion biktimari.
Atxiloketa atzo, igandea, goizaldeko bostak eta hamarretan izan zen, Gipuzkoako hiriburuaren erdigunean, biktimak Ertzaintzari jakinarazi ondoren gizon bat oldartu zitzaiola eta diskoteka baten inguruan ukituak egin zizkiola.
Poliziak susmagarriaren bila hasi ziren, eta handik gutxira aurkitu zuten, inguruko kale batean. Ustezko egilea, 20 urteko gizon bat, atxilotu egin zuten sexu-eraso eta lapurreta delitu bat egotzita, biktimari diru-zorroa ere lapurtu ziolako.
Atxilotua ertzain-etxera eraman zuten beharrezko izapideak egiteko, eta, amaitutakoan, epailearen esku utzi zuten.